اقتوبەدە جانارماي قۇيۋ بەكەتىندە جارىلىس بولىپ، بىرنەشە كولىك جانىپ كەتتى، دەپ حابارلايدى «ادىرنا» ءتىلشىسى.
توتەنشە جاعدايلار دەپارتامەنتىنىڭ مالىمدەۋىنشە، وقىس وقيعا 17 شىلدە كۇنى العا قالاسىنداعى اباي كوشەسىنىڭ بويىندا ورنالاسقان «ليمانگاز» جانارماي قۇيۋ بەكەتىندە بولعان.
«جانارماي قۇيۋ بەكەتىندە سىيىمدىلىعى 46 تەكشە مەتر بولاتىن ەكى تسيستەرنا جارىلدى. وقيعا كەزىندە ءۇش قىزمەتكەر ىشتە بولعان، ولار دەر كەزىندە سىرتقا شىعىپ ۇلگەردى. قازا بولعاندار مەن زارداپ شەككەندەر جوق»،– دەدى تجد قىزمەتى.
قازىرگى تاڭدا ءورتتىڭ سەبەپتەرى انىقتالىپ جاتىر.
<
