ەڭ سوڭعى بولىپ رەسەيلىك تەلەارنالار مەن سايتتار بۇعاتتالدى. بۇعان دەيىن قازاقستان، ءازىربايجان جانە قىرعىزستاننىڭ باسىلىمدارىنا قولجەتىمدىلىك جابىلعان بولاتىن، دەپ جازادى "ادىرنا" ۇلتتىق پورتالى orda.kz-كە سىلتەمە جاساپ.
— رەسەيدەگى بارلىق جاڭالىقتار سايتتارى: ينوسمي، ريا نوۆوستي، ربك، تاسس، قانداي دا ءبىر جاڭالىقتار بار تەلەكومپانيالاردىڭ سايتتارىنا تىيىم سالىندى. بۇل كىرۋگە بولاتىن سوڭعى شەتەلدىك جاڭالىقتار سايتتارى ەدى، ەندى ولار دا جابىلدى. سايتقا دا، ءموبيلدى قوسىمشالار ارقىلى دا كىرۋگە تىيىم سالىنعان. ءازىربايجان سايتتارى دا اشىلماعان. بۇرىن دا باسقا جاڭالىقتارعا رۇقسات بولماعانىن ەسكەرسەك، ەندىگى جەردە بارلىق اقپارات اعىنىن بىتەلدى. قازاقستان مەن قىرعىزستان جاڭالىقتارىنا بۇدان دا ەرتەرەك توسقاۋىل قويىلعان بولاتىن، – دەپ حابارلايدى ازاتتىق راديوسىنىڭ سول ەلدەگى ءتىلشىسى.
سونىمەن قاتار ەلدەگى شەتەلدىك بانكتەردىڭ سايتتارىنا، تولەم جۇيەلەرىنە كىرۋ، AppStore ارقىلى مۋزىكا جۇكتەۋ دە بۇعاتتالعان. بارلىق VPN قىزمەتتەرىنە قول جەتكىزۋ تولىعىمەن دەرلىك بۇعاتتالعان.
تۇركىمەنستان بيلىگى ينتەرنەتكە كىرۋدى ۇنەمى شەكتەپ، VPN ارقىلى سايتتاردى قاراۋعا تىيىم سالادى. تىيىمدى بۇزعاندار جاۋاپ الۋعا شاقىرىلىپ، ايىپپۇل ارقالايدى.
"ادىرنا" ۇلتتىق پورتالى
