Eń sońǵy bolyp reseılik telearnalar men saıttar buǵattaldy. Buǵan deıin Qazaqstan, Ázirbaıjan jáne Qyrǵyzstannyń basylymdaryna qoljetimdilik jabylǵan bolatyn, dep jazady "Adyrna" ulttyq portaly orda.kz-ke silteme jasap.
— Reseıdegi barlyq jańalyqtar saıttary: InoSMI, RIA Novostı, RBK, TASS, qandaı da bir jańalyqtar bar telekompanııalardyń saıttaryna tyıym salyndy. Bul kirýge bolatyn sońǵy sheteldik jańalyqtar saıttary edi, endi olar da jabyldy. Saıtqa da, mobıldi qosymshalar arqyly da kirýge tyıym salynǵan. Ázirbaıjan saıttary da ashylmaǵan. Buryn da basqa jańalyqtarǵa ruqsat bolmaǵanyn eskersek, endigi jerde barlyq aqparat aǵynyn biteldi. Qazaqstan men Qyrǵyzstan jańalyqtaryna budan da erterek tosqaýyl qoıylǵan bolatyn, – dep habarlaıdy Azattyq radıosynyń sol eldegi tilshisi.
Sonymen qatar eldegi sheteldik bankterdiń saıttaryna, tólem júıelerine kirý, AppStore arqyly mýzyka júkteý de buǵattalǵan. Barlyq VPN qyzmetterine qol jetkizý tolyǵymen derlik buǵattalǵan.
Túrkimenstan bıligi ınternetke kirýdi únemi shektep, VPN arqyly saıttardy qaraýǵa tyıym salady. Tyıymdy buzǵandar jaýap alýǵa shaqyrylyp, aıyppul arqalaıdy.
"Adyrna" ulttyq portaly
