رىباكينا قازاقستان تەننيس فەدەراتسياسىنان بەرىلەتىن سىيلىقاقىدان باس تارتتى، دەپ حابارلايدى “ادىرنا” ۇلتتىق پورتالى.
رىباكينا جەڭىسى ءۇشىن مەملەكەتتەن قاراجات المايدى. سپورت جانە دەنە شىنىقتىرۋ ىستەرى كوميتەتى بىلاي دەپ ءتۇسىندىردى:
"حالىقارالىق جارىستاردىڭ چەمپيوندارىنا، جۇلدەگەرلەرىنە، سونداي-اق جاتتىقتىرۋشىلارعا اقشالاي كوتەرمەلەۋ ۇكىمەتتىڭ 2007 جىلعى 28 ناۋرىزداعى № 152 قاۋلىسىنىڭ نەگىزىندە جۇزەگە اسىرىلادى. ۋيمبلدون ءتۋرنيرى كوممەرتسيالىق بولعاندىقتان، رەسپۋبليكالىق بيۋدجەتتەن اقشالاي تولەمدەر قاراستىرىلماعان", - دەپ ءتۇسىندىردى كوميتەت وكىلدەرى.
ەلەنا رىباكينانىڭ ءوزى قازاقستان تەننيس فەدەراتسياسىنان بەرىلەتىن سىيلىق اقىدان باس تارتقان.
ء"بىز ەلەناعا قارجىلاي كومەك بەرگىمىز كەلگەن، الايدا باس تارتتى. ودان بولەك، ول جۇلدە ۇلەسىن قايىرىمدىلىق پەن يۋنيورلاردى قولداۋعا جۇمساعىسى كەلەدى", - دەيدى قتف ۆيتسە-پرەزيدەنتى يۋري پولسكي "ماتچ تۆ-گە" بەرگەن سۇحباتىندا.
“ادىرنا” ۇلتتىق پورتالى
