نۇر-سۇلتان قالاسىنىڭ اكىمى التاي كولگىنوۆ 2035 جىلعا قاراي ەلورداداعى حالىق سانىنىڭ بولجامىن ايتتى، - دەپ حابارلايدى "ادىرنا" پورتالى.
اكىم اتاپ وتكەندەي، ءبىرىنشى باس جوسپار بويىنشا 2030 جىلى حالىق سانى نەبارى 800 مىڭ ادامدى قۇرايدى دەپ جوسپارلانعان بولاتىن.
"سودان كەيىن 2010 جىلى نەگىزگى جوسپار تۇزەتىلدى، 2030 جىلى 1,2 ميلليون ادام بولادى دەپ بولجانعان بولاتىن. كەيىنىرەك مالىمەتتەر استانالىقتاردىڭ سانى 2035 جىلى 2,3 ميلليون ادامعا جەتەدى دەگەندى كورسەتتى. بىراق، كورىپ وتىرعانىمىزداي، ءبىز بۇل كورسەتكىشتەرگە ەرتە جەتۋدەمىز. "قازىر ءبىز باس جوسپاردى تۇزەتىپ جاتىرمىز. بولجام بويىنشا، 2035 جىلعا قاراي مۇنداي ءوسۋ ديناميكاسى ساقتالسا، نۇر-سۇلتان حالقىنىڭ سانى ەكى ەسەگە ارتادى", - دەدى اكىم ورتالىق كوممۋنيكاتسيالار قىزمەتىندە وتكەن بريفينگتە.
ەسكە سالايىق، قازاقستان حالقىنىڭ سانى 2022 جىلدىڭ 1 ساۋىرىندەگى جاعداي بويىنشا 19 ملن 178,8 مىڭ ادامدى قۇرادى.
"ادىرنا" ۇلتتىق پورتالى
