Nur-Sultan qalasynyń ákimi Altaı Kólginov 2035 jylǵa qaraı elordadaǵy halyq sanynyń boljamyn aıtty, - dep habarlaıdy "Adyrna" portaly.
Ákim atap ótkendeı, birinshi bas jospar boıynsha 2030 jyly halyq sany nebári 800 myń adamdy quraıdy dep josparlanǵan bolatyn.
"Sodan keıin 2010 jyly negizgi jospar túzetildi, 2030 jyly 1,2 mıllıon adam bolady dep boljanǵan bolatyn. Keıinirek málimetter astanalyqtardyń sany 2035 jyly 2,3 mıllıon adamǵa jetedi degendi kórsetti. Biraq, kórip otyrǵanymyzdaı, biz bul kórsetkishterge erte jetýdemiz. "Qazir biz bas jospardy túzetip jatyrmyz. Boljam boıynsha, 2035 jylǵa qaraı mundaı ósý dınamıkasy saqtalsa, Nur-Sultan halqynyń sany eki esege artady", - dedi ákim Ortalyq kommýnıkaııalar qyzmetinde ótken brıfıngte.
Eske salaıyq, Qazaqstan halqynyń sany 2022 jyldyń 1 sáýirindegi jaǵdaı boıynsha 19 mln 178,8 myń adamdy qurady.
"Adyrna" ulttyq portaly
