وزبەكستان پرەزيدەنتى شاۆكات ميرزيەەۆ قاراقالپاقستانداعى قاندى شەرۋلەر باستالعاننان كەيىنگى ءۇشىنشى كۇنى نۇكىستەگى شەرۋشىلەر مەن قاۋىپسىزدىك كۇشتەرىنىڭ قازا تاپقانىن مويىندادى، بىراق تسيفرلاردى اتامادى.
وزبەكستان پرەزيدەنتى شاۆكات ميرزيەەۆ قاراقالپاقستان پارلامەنتىندە سويلەگەن سوزىندە نۇكىستەگى تارتىپسىزدىكتەر سالدارىنان بەيبىت تۇرعىندار مەن قۇقىق قورعاۋ ورگاندارىنىڭ قىزمەتكەرلەرى قۇربان بولعانىن ايتتى، دەپ حابارلادى وزبەكستان پرەزيدەنتىنىڭ ءباسپاسوز حاتشىسى شەرزود اسادوۆ.
وزبەكستان بيلىگى قازا بولعاندار مەن جارالانعاندار، سونداي-اق ۇستالعانداردىڭ سانى تۋرالى مالىمەت بەرمەدى.
بيلىكتىڭ قازا بولعاندار تۋرالى العاشقى رەسمي تۇسىندىرمەسى شەرۋشىلەردىڭ اۋىر حالدە بولعانى جانە كەيبىر جاعدايلاردا ولىممەن اياقتالۋى مۇمكىن دەگەن ءارتۇرلى اقپارات كوزدەرىنىڭ تۇراقتى، شاشىراڭقى حابارلارى كەزىندە مەملەكەت باسشىسى تاراپىنان اتالدى.
