قاڭتار ايىنىڭ العاشقى كۇنى وزبەكستاننىڭ سامارقان قالاسىندا حالىق جاپپاي كوتەرىلدى. نارازىلىق شەرۋىنىڭ ۆيدەولارى الەۋمەتتىك جەلىدە تارادى، دەپ حابارلايدى "ادىرنا" ۇلتتىق پورتالى.
قاڭتار ايىنىڭ العاشقى كۇنىندە سامارقان حالقى تولقىدى. وقىرمانداردىڭ ايتۋىنشا، كوتەرىلىستىڭ تۋىنا ەلدەگى گاز تاپشىلىعى مەن ساياسي رەفورمالاردىڭ تيىمسىزدىگى، ديكتاتورلىق بيلىك سەبەپ بولعان. تاعى ءبىر جاناما سەبەپكە سەنسەك، وزبەكستانداعى تولقۋعا سىرتقى كۇشتەردىڭ ىقپالى بار. ازىرگە وقيعاعا قاتىستى قانداي دا ءبىر رەسمي دەرەكتەر جوق.
بۇعان قاتىستى قوعام بەلسەندىسى سەرىك حاسەنوۆ:
- وزبەك باۋىرلارعا ساتتىلىك. جاساسىن ەركىندىك. ورتالىق ازيا دەموكراتيانىڭ تاعى ءبىر ۇياسىنا اينالۋىنا تىلەكشىمىن، - دەپ جازدى.
وزبەكستان ىشكى ىستەر مينيسترلىگى بولعان وقيعانى جوققا شىعارىپ، حالىقتىڭ جاڭا جىل تويلاۋعا جينالعانىن ايتىپ الەك.
"بۇل حابارلاما مەن اقپارات مۇلدەم نەگىزسىز، شىندىققا ەش جاناسپايدى. كوپتەگەن قالا تۇرعىندارى 31 جەلتوقساندا مەرەكەلىك ءىس-شارالاردى تاماشالاۋ ءۇشىن ورتالىق الاڭدارعا جينالدى. مەرەكەدەن كەيىن ولار ۇيلەرىنە تارادى. مەرەكەلىك ءىس-شارا كەزىندە Mercedes-Benz قارا كولىگىنىڭ يەسىن قاۋىپتى ارەكەت، "درەيف", جاساعانىن كورۋگە بولادى. قازىر ول ادامدى انىقتاپ، زاڭ اياسىندا ونىڭ ارەكەتىنە باعا بەرۋ قاراستىرىلۋدا", - دەلىنگەن حابارلامادا.
"ادىرنا" ۇلتتىق پورتالى
