وزبەكستان پرەزيدەنتى شاۆكات ميرزيەەۆ قاراقالپاقستاندا توتەنشە جاعداي ەنگىزدى

3983
Adyrna.kz Telegram

وزبەكستان پرەزيدەنتى شاۆكات ميرزيەەۆ قاراقالپاقستاندا ءبىر ايعا توتەنشە جاعداي ەنگىزدى، دەپ حابارلايدى "ادىرنا" ۇلتتىق پورتالى. 

تج رەجيمى 2022 جىلدىڭ 3 شىلدەسى ساعات 00.01-دەن 2022 جىلعى 2 تامىز ساعات 00.00-گە دەيىن ەنگىزىلەدى.

"ازاماتتاردىڭ قاۋىپسىزدىگىن قامتاماسىز ەتۋ، ولاردىڭ قۇقىقتارى مەن بوستاندىقتارىن قورعاۋ، زاڭدىلىق پەن قۇقىقتىق ءتارتىپتى قالپىنا كەلتىرۋ ماقساتىندا قاراقالپاقستان رەسپۋبليكاسىنىڭ اۋماعىندا 2022 جىلعى 3 شىلدەدەگى 00.01 - دەن 2022 جىلعى 2 تامىزداعى 00.00-گە دەيىنگى كەزەڭگە توتەنشە جاعداي ەنگىزىلسىن", - دەلىنگەن ميرزيەەۆتىڭ جارلىعىندا.

سونداي-اق، ول قاراقالپاقستان اۋماعىندا تج رەجيمى كەزىندە 21.00-دەن 7.00-گە دەيىن كومەندانتتىق ساعات ەنگىزۋدى بۇيىردى.

"ادىرنا" ۇلتتىق پورتالى 

 

پىكىرلەر