Ózbekstan prezıdenti Shavkat Mırzıeev Qaraqalpaqstanda bir aıǵa tótenshe jaǵdaı engizdi, dep habarlaıdy "Adyrna" ulttyq portaly.
TJ rejımi 2022 jyldyń 3 shildesi saǵat 00.01-den 2022 jylǵy 2 tamyz saǵat 00.00-ge deıin engiziledi.
"Azamattardyń qaýipsizdigin qamtamasyz etý, olardyń quqyqtary men bostandyqtaryn qorǵaý, zańdylyq pen quqyqtyq tártipti qalpyna keltirý maqsatynda Qaraqalpaqstan Respýblıkasynyń aýmaǵynda 2022 jylǵy 3 shildedegi 00.01 - den 2022 jylǵy 2 tamyzdaǵy 00.00-ge deıingi kezeńge tótenshe jaǵdaı engizilsin", - delingen Mırzıeevtiń Jarlyǵynda.
Sondaı-aq, ol Qaraqalpaqstan aýmaǵynda TJ rejımi kezinde 21.00-den 7.00-ge deıin komendanttyq saǵat engizýdi buıyrdy.
"Adyrna" ulttyq portaly
