مامىر ايىندا تەكەلىدە ورىن العان لاي كوشكىنى كەزىندە زارداپ شەككەن گۇلنار تىلەۋحان بۇگىن وتباسىمەن بىرگە ەكى بولمەلى پاتەرگە قونىستاندى، - دەپ حابارلايدى "ادىرنا ۇلتتىق پورتالى" جەتىسۋ وبلىسىنىڭ اكىمدىگىنىڭ الەۋمەتتىك جەلىدەگى پاراقشاسىنا سىلتەمە جاساپ.
تۇرعىن ءۇي بيۋدجەت قاراجاتى ەسەبىنەن ساتىپ الىندى. پاتەردى تۇرمىستىق تەحنيكالىق زاتتارمەن جانە جيھازبەن جابدىقتاۋعا الماتى جانە جەتىسۋ وبلىسى اكىمدىكتەرى قولداۋ كورسەتىپ، «ريگوليت» جشس قايىرىمدىلىق تانىتتى. قازىرگى ۋاقىتتا وزگە دە زارداپ شەككەن وتباسىلار ۋاقىتشا جالعا بەرىلەتىن تۇرعىن ۇيلەرمەن قامتاماسىز ەتىلگەن.
سونىمەن قاتار ءار وتباسىنا 200 ايلىق ەسەپتىك كورسەتكىش مولشەرىندە بىرجولعى الەۋمەتتىك تولەم بەرىلىپ، قالا كاسىپكەرلەرى، ەرىكتىلەر جانە «قىزىل اي» قوعامى قايىرىمدىلىق كومەك جاسادى.
