Mamyr aıynda Tekelide oryn alǵan laı kóshkini kezinde zardap shekken Gúlnar Tileýhan búgin otbasymen birge eki bólmeli páterge qonystandy, - dep habarlaıdy "Adyrna ulttyq portaly" Jetisý oblysynyń ákimdiginiń áleýmettik jelidegi paraqshasyna silteme jasap.
Turǵyn úı bıýdjet qarajaty esebinen satyp alyndy. Páterdi turmystyq tehnıkalyq zattarmen jáne jıhazben jabdyqtaýǵa Almaty jáne Jetisý oblysy ákimdikteri qoldaý kórsetip, «Rıgolıt» JShS qaıyrymdylyq tanytty. Qazirgi ýaqytta ózge de zardap shekken otbasylar ýaqytsha jalǵa beriletin turǵyn úılermen qamtamasyz etilgen.
Sonymen qatar ár otbasyna 200 aılyq eseptik kórsetkish mólsherinde birjolǵy áleýmettik tólem berilip, qala kásipkerleri, eriktiler jáne «Qyzyl Aı» qoǵamy qaıyrymdylyq kómek jasady.
