داريعانىڭ كۇيەۋى زاۋىتىن مەملەكەت مەنشىگىنە بەرىپتى. قۇلىباەۆ پەتروسان كومپانياسىن ۇكىمەتكە وتكىزىپتى دەگەندى وقىپ ماسساعان دەپ وتىرمىن. نازارباەۆتار قازاقستاندى جەكەمەنشىك يپعا اينالدىرىپتى عوي.
مايلى، سۇبەلى جەردىڭ ءبارىن وتباسىنىڭ اۋىلداسى، جيەنى، بولەسى، كۇيەۋبالالارى ءبولىسىپ العان. پروكۋرور، سوت، كنب، مۆد ءبارى سولاردىڭ مەنشىگىنە وتكەن ەدى. توقاەۆ ءال ءازىر ول جاعىنان تازا. وتكەندە عانا پرەزيدەنتتىڭ تۋىسى مەملەكەتتىك قىزمەتتە وتىرماۋ كەرەك دەپ ەدى. ارادا كوپ وتپەي ەلشىلىك قىزمەتتەگى كۇيەۋ بالاسى قىزمەتتەن كەتتى.
ەندى مىنا قىمباتشىلىقتى ەڭسەرىپ بەرسە. نەگىزى، قويمالاردا ازىق-تۇلىك جاعى جەتكىلىكتى دەيدى. بىراق، ول نەگە نارىققا شىعارىلىپ، حالىققا ارزان باعادا جەتپەي جاتىر؟ سول جاعىن تەكسەرۋ كەرەك سەكىلدى. وتىز جىل بويى حالىقتى تەسپەي سورىپ كەلگەندەر وڭايشىلىقپەن بيلىكتەن كەتكىسى كەلمەيتىنى تۇسىنىكتى.
قىمباتشىلىق ارقىلى حالىقتى قايتا كوتەرگىلەرى كەلىپ وتىر ما؟ سول جاعىن قۇزىرلى ورىندار نازارعا السا. قاڭتار وقيعاسىنىڭ قايتالانۋىنا حالىق تا مۇلدەلى ەمەس. گەوساياسي جاعداي ۋشىعىپ تۇرعاندا ەل ءىشىنىڭ تىنىشتىعى كەرەك.
"ادىرنا" ۇلتتىق پورتالى
