Darıǵanyń kúıeýi zaýytyn memleket menshigine beripti. Qulybaev Petrosan kompanııasyn Úkimetke ótkizipti degendi oqyp mássáǵan dep otyrmyn. Nazarbaevtar Qazaqstandy jekemenshik IPǵa aınaldyrypty ǵoı.
Maıly, súbeli jerdiń bárin otbasynyń aýyldasy, jıeni, bólesi, kúıeýbalalary bólisip alǵan. Prokýror, sot, KNB, MVD bári solardyń menshigine ótken edi. Toqaev ál ázir ol jaǵynan taza. Ótkende ǵana prezıdenttiń týysy memlekettik qyzmette otyrmaý kerek dep edi. Arada kóp ótpeı elshilik qyzmettegi kúıeý balasy qyzmetten ketti.
Endi myna qymbatshylyqty eńserip berse. Negizi, qoımalarda azyq-túlik jaǵy jetkilikti deıdi. Biraq, ol nege naryqqa shyǵarylyp, halyqqa arzan baǵada jetpeı jatyr? Sol jaǵyn tekserý kerek sekildi. Otyz jyl boıy halyqty tespeı soryp kelgender ońaıshylyqpen bılikten ketkisi kelmeıtini túsinikti.
Qymbatshylyq arqyly halyqty qaıta kótergileri kelip otyr ma? Sol jaǵyn quzyrly oryndar nazarǵa alsa. Qańtar oqıǵasynyń qaıtalanýyna halyq ta múldeli emes. Geosaıası jaǵdaı ýshyǵyp turǵanda el ishiniń tynyshtyǵy kerek.
"Adyrna" ulttyq portaly
