2022 جىلدىڭ 20 ماۋسىم كۇنى پاۆلودار قالاسىنىڭ س.تورايعىروۆ ۋنيۆەرسيتەتىندە «جاستارعا مۇمكىندىك!» تاقىرىبىنداعى كەزدەسۋ ءوتتى.
ءىس-شارا قر اقپارات جانە قوعامدىق دامۋ مينيسترلىگى مەن «ازاماتتىق باستامالاردى قولداۋ ورتالىعىنىڭ» قولداۋىمەن «ادىرنا» ۇەب» قق «جاستاردى الەۋمەتتەندىرۋ جانە وڭالتۋ» جوباسى اياسىندا وتەدى. NEET ساناتىنداعى جاستاردى ەلىمىزدىڭ الەۋمەتتىك-ەكونوميكالىق ومىرىنە تارتۋ ماسەلەلەرى قاراستىرىلدى.
ءىس-شارا سپيكەرى تانىمال كاسىپكەر باقىتجان ىلياسقىزى كەزدەسۋگە كەلگەن ۋنيۆەرسيتەت بەلسەندىلەرىنە، جاس كاسىپكەرلەرگە ءبىلىم بەرۋ پروتسەسىنە جانە جۇمىسپەن قامتۋعا تارتىلماعان جاستارعا مانساپ جانە جەكە ءوسۋ ءۇشىن ومىرلىك داعدىلاردى دامىتۋداعى تاجىريبەلەرىمەن ءبولىستى.
سونىمەن قاتار، جۇمىسپەن قامتۋ ورتالىعىنان كەلگەن ماماندارمەن NEET ساناتىنداعى جاستار اراسىنداعى قارىم-قاتىناستى نىعايتىپ، يدەيالاردى تاراتىپ، جاستاردىڭ جۇمىسقا، وقۋعا بەلسەندىلىك تانىتپاۋ سەبەپتەرى، جوبالىق كەڭسە تاراپىنان جاستارعا كومەك بەرۋ جانە كاسىبي باعدارلاۋ تۇرلەرى، NEET جاستارىنىڭ قوردالانعان ماسەلەلەرىنىڭ شەشۋ جولدارى قاراستىرىلدى.
كەزدەسۋ بارىسىندا بۇگىنگى كۇنى ەڭبەك نارىعىنداعى قاجەتتى ماماندىقتار جانە قاي سالانى بەلسەندى دامىتۋ كەرەك، جاستاردى كاسىپكەرلىك قىزمەتكە وقىتۋ، كاسىپكەردىڭ قاجەتتى داعدىلارى، جاستارعا بەرىلگەن مۇمكىندىك پەن سونى قالاي دۇرىس پايدالانۋ كەرەكتىگى جايىندا ءسوز بولدى.
