«Jastarǵa múmkindik»

1666
Adyrna.kz Telegram

2022 jyldyń 20 maýsym kúni Pavlodar qalasynyń S.Toraıǵyrov ýnıversıtetinde «Jastarǵa múmkindik!» taqyrybyndaǵy kezdesý ótti.

Is-shara QR Aqparat jáne qoǵamdyq damý mınıstrligi men «Azamattyq bastamalardy qoldaý ortalyǵynyń» qoldaýymen «Adyrna» UEB» QQ «Jastardy áleýmettendirý jáne ońaltý» jobasy aıasynda ótedi. NEET sanatyndaǵy jastardy elimizdiń áleýmettik-ekonomıkalyq ómirine tartý máseleleri qarastyryldy.

Is-shara spıkeri tanymal kásipker Baqytjan Ilııasqyzy kezdesýge kelgen ýnıversıtet belsendilerine, jas kásipkerlerge bilim berý proesine jáne jumyspen qamtýǵa tartylmaǵan jastarǵa mansap jáne jeke ósý úshin ómirlik daǵdylardy damytýdaǵy tájirıbelerimen bólisti.

Sonymen qatar, jumyspen qamtý ortalyǵynan kelgen mamandarmen NEET sanatyndaǵy jastar arasyndaǵy qarym-qatynasty nyǵaıtyp, ıdeıalardy taratyp, jastardyń jumysqa, oqýǵa belsendilik tanytpaý sebepteri, jobalyq keńse tarapynan jastarǵa kómek berý jáne kásibı baǵdarlaý túrleri, NEET jastarynyń qordalanǵan máseleleriniń sheshý joldary qarastyryldy.

Kezdesý barysynda búgingi kúni eńbek naryǵyndaǵy qajetti mamandyqtar jáne qaı salany belsendi damytý kerek, jastardy kásipkerlik qyzmetke oqytý, kásipkerdiń qajetti daǵdylary, jastarǵa berilgen múmkindik pen sony qalaı durys paıdalaný kerektigi jaıynda sóz boldy.

 

Pikirler