22 ماۋسىمدا كوكشەتاۋ قالاسىندا «جاستارعا مۇمكىندىك!» تاقىرىبىنداعى پپىكىرتالاس ءوتتءى.
ءىس-شارانىڭ ماقساتى كوتەرىلەتىن ماسەلەلەر ارقىلى جاستاردى بولاشاق ومىرلىك جوسپارلارىنا ىنتالاندىرۋ جانە شىعارماشىلىق الەۋەتتى دامىتۋ.
پىكىرتالاس سپيكەرى «ۆوروتا ليۋكس» كومپانياسىنىڭ ديرەكتورى ەرجان بايگەنجين جاستارعا ءوزىنىڭ جەتىستىكككە جەتۋ جولىن ايتىپ، بۇگىنگى تاڭدا بيزنەس اشۋداعى باستى قاجەت قاعيدالارمەن ءبولىستى.
«بيزنەس – ۇلكەن جاۋاپكەرشىلىك، قاجىرلى ەڭبەك، تاۋسىلماس ءتوزىمدى قاجەت ەتەدى. جەتىستىككە جەتەم دەسەڭىز - ەڭ ماڭىزدىسى باستاۋ. سەبەبى كەز كەلگەن ءىستى باستاعان بولساڭ ونى اياعىنا دەيىن، بەلىگىلى ءبىر دەڭگەيگە جەتكىزگەنگە دەيىن ادامدا قۇلشىنىس، تالپىنىس سىندى سەزىمدەر تۋادى. كوبىنە قازىرگى ادامدار ءبىر ءىستى باستاۋدان قورقادى. مەن ولارعا ايتار ەدىم، ەڭ باستىسى – قورىقپاۋ، تاۋەكەل ەتۋ. قالعانى رەت-رەتىمەن بولادى» دەپ ءبولىستى ول.
پىكىرتالاس بارىسىندا كوكشەتاۋ قالاسى كاسىپكەرلەر پالاتاسى جانە جۇمىسپەن قامتۋ ورتالىعىنىڭ قىزمەتكەرلەرى كەلىپ ءوز كەڭەستەرىمەن ءبولىستى. ولار جىگەر ىزدەگەن جاستارعا، قازىرگى تاڭدا قانداي جەڭىلدىكتەر، يدەياسى بار جاستارعا قانداي مۇمكىندىكتەر بار ەكەنىن ايتىپ ءتۇسىندىردى.
«بولار بالانىڭ بەتىن قاقپا، بەلىن بۋ دەگەن. سول سەبەپتى وسى پىكىرتالاسقا وسەمىن، ونەمىن، دەگەن جاستاردىڭ جينالىپ ءبىز سياقتى جەتىستىككە ءوز كۇشىمەن جەتكەن جانداردىڭ اقىل كەڭەسىن الىپ، بەلگىلى ءبىر ناتيجەگە جەتكەن بولسا بىزگە ودان اسقان قۋانى، بۇدان اسقان باقىت جوق!» دەپ قوستى ەرجان مىرزا.
سونىمەن قاتار، پىكىرتالاس بارىسىندا كوكشە جاستارى كوكەيلەرىن مازالاعان ساۋالدارىن قويىپ، ەل اعالارىنان جاۋاپ الدى. بولاشاعىمدى ءوز كۇشىممەن قۇرامىن دەگەن سەنىممەن كەلگەن جاستار، جاڭا سەرپىن الىپ، كەلەشەكتەرىنە كەمەل كەڭەس بولاتىن دەرەكتەر الىپ كەتكەنىنە سەنىمدىمىز.
