«تابىسىڭدى وزىڭە جۇمساما!»

662

24 ماۋسىم كۇنى قوستاناي قالاسىندا «جاستار رەسۋرستىق ورتالىعىندا» «جاستارعا مۇمكىندىك» تاقىرىبىندا كەزدەسۋ ءوتتى.

كەزدەسۋ «جاستاردى الەۋمەتتەندىرۋ جانە وڭالتۋ» جوباسى اياسىندا جالعاسىن تاپتى.

جوبا جاستاردىڭ جۇمىس جانە وقۋعا كەلگەندە بەلسەندىلىك تانىتپاۋ سەبەپتەرى، جوبالىق كەڭسە تاراپىنان جاستارعا كومەك بەرۋ جانە كاسىبي باعدارلاۋ تۇرلەرى، NEET جاستارىنىڭ قوردالانعان ماسەلەلەرىنىڭ شەشۋ جولدارىن قاراستىرۋعا باعىتتالعان.

جاستاردى بولاشاق ومىرلىك جوسپارلارىنا ىنتالاندىرۋ جانە شىعارماشىلىق الەۋەتتى دامىتۋ ماقساتىندا قالاداعى بەلدى كاسىپكەر، رەستوراتور نۇرماحان سوپبەكوۆ جاستارعا مانساپ جانە جەكە ءوسۋ ءۇشىن ومىرلىك داعدىلاردى دامىتۋداعى تاجىريبەلەرى مەن جىبەرگەن قاتەلىكتەرى جونىندە ايتىپ بەردى.

«وقۋ بىتىرە سالا بيزنەس اشامىن دەگەن قاتە تۇسىنىك. كەز-كەلگەن ادام كومپانيا بلسىن، مەملەكەتتىك جۇمىس بولسىن كوللەكتيۆپەن جۇمىس ىستەپ كورۋ كەرەك. ءبىرىنشى ەتاپتان وتپەسەڭ بيزنەس اشا المايسىڭ. ءبىر جەردە تۇراقتى جۇمىس ىستەۋدى ۇيرەنۋ كەرەك.»، - دەيدى كاسىپكەر.

ودان بولەك، بيزنەس اشۋداعى قىر-سىرلارى مەن باسىنان وتكەن قيىندىقتارى جايلى ايتىپ بەردى. ءبىزدىڭ ەڭ ۇلكەن قاتەلىك العاش تاپقان تابىستى وزىمىزگە جاراتۋىمىز. كەز-كەلگەن ىستە اينالىمعا كەلگەنشە ءوزىڭدى، شىعىنىڭدى تەجەي تۇرۋ كەرەك دەگەن كەڭەس ايتتى.

 

 «ەشقاشان ءوز ءىسىڭدى باستاۋدان قورىقپاڭىزدار. ەڭ باستىسى - ءسىزدىڭ ناقتى ارمانىڭىز بەن ماقساتىڭىز، وزىڭىزگە دەگەن سەنىم بولۋى كەرەك. ارمان مەن سەنىم جەتىستىككە جەتكىزەدى. الايدا، ەڭ ۇلكەن موتيۆاتسيا - ارمان. ەڭ كۇشتى قارۋ – سەنىم.»، - دەيدى كاسىپكەر.

كەزدەسۋ بارىسىندا بۇگىنگى كۇنى ەڭبەك نارىعىنداعى قاجەتتى ماماندىقتار جانە قاي سالانى بەلسەندى دامىتۋ كەرەك، جاستاردى كاسىپكەرلىك قىزمەتكە وقىتۋ، كاسىپكەردىڭ قاجەتتى داعدىلارى، جاستارعا بەرىلگەن مۇمكىندىك پەن سونى قالاي دۇرىس پايدالانۋ كەرەكتىگى جايىندا ءسوز بولادى.

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket