ۇسىنىس: 3 ميلليون ادامنىڭ نەسيەسىن جابۋدىڭ جولى تابىلدى

7163

ەلىمىزدەگى كرەديتتىڭ ەڭ جوعارى مولشەرلەمەسىن قايتا قاراۋ ۇسىنىسى تاستالدى. ەكونوميست مارات ءابدىراحمانوۆ قازىرگى تاڭداعى 56% ستاۆكانى مۇلدەم ءتيىمسىز دەپ اتادى، دەپ حابارلايدى “ادىرنا” ۇلتتىق پورتالى. 

مارات ءابدىراحمانوۆ ازاماتتىق كودەكس تۋرالى زاڭ بويىنشا نەسيەلەۋدىڭ شەكتى مولشەرلەمەسى ەكونوميكالىق جولمەن ءارى دۇنيەجۇزىلىك بانكتىڭ نورماتيۆتەرىنە سايكەس ەسەپتەلۋگە ءتيىس ەكەنىن مالىمدەدى.

"بۇل ستاۆكانىڭ مولشەرى قازاقستان ەكونوميكاسىنىڭ جالپى رەنتابەلدىلىگىنە بايلانىستى جانە ودان جوعارى بولا المايدى. ال بۇل كورسەتكىش 2021 جىلى شامامەن 20%-ءتى قۇرادى. ماسەلەنى شەشۋ ءۇشىن ازاماتتىق كودەكستىڭ ءتيىمسىز كەلىسىمدەر بويىنشا بارلىق مىندەتتەمەنى الىپ تاستاۋ تۋرالى نورماسىن قالپىنا كەلتىرۋ قاجەت", – دەدى ساراپشى.

ەكونوميست بۇرىن 1999 جىلعا دەيىن قولدانىستا بولعان ازاماتتىق كودەكستىڭ وسى نورماسىن قالپىنا كەلتىرگەن جاعدايدا، 3 ميلليون ادامنىڭ كرەديتى سوت ارقىلى ەسەپتەن شىعارىلاتىنىن تىلگە تيەك ەتتى.

"ول ەش نارسەگە نەگىزدەلمەگەن جانە دامىعان ەلدەردىڭ باسىم كوپشىلىگىنە قاراعاندا الدەقايدا جوعارى. بۇل ۇكىمەتتىڭ جانە وسى جىلدار ىشىندە ەكونوميكالىق ساياساتپەن، قارجى نارىعىن رەتتەۋمەن اينالىسقانداردىڭ قاتەلىگى. 56% – بۇل توناۋ", - دەدى ول.

حالىق پارتياسى توراعاسىنىڭ ورىنباسارى ەڭ جوعارى ستاۆكانى "قايتا قارجىلاندىرۋ ستاۆكاسىنان ەكى ەسە مولشەردە بەلگىلەۋ كەرەك"دەپ اتاپ ءوتتى.

“ادىرنا” ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket