|
قازاقستانداعى ۇلتشىلدار دايىن بولىڭدار دەگەن تاقىرىپپەن سەرگەي ۆاسيلەۆ ەسىمدى وقىرمان جەلىگە ۇلتشىلدارعا بايلانىستى جاڭا جازبا جاريالاعان. ەڭ قىزىعى ونى "قازاقستاننىڭ ورىس، سلاۆيان جانە كازاك ۇيىمدارى قاۋىمداستىعى" زاڭدى تۇلعالار رەسپۋبليكالىق بىرلەستىگىنىڭ توراعاسى، ەكس دەپۋتات ۆلاديمير بوجكو ءوزىنىڭ Facebook جەلىسىندەگى پاراقشاسىندا ءبولىستى، - دەپ حابارلايدى “ادىرنا” ۇلتتىق پورتالى Caravan.kz سايتىنا سىلتەمە جاساپ. |
"قازاقستانداعى ۇلتشىلدار دايىن بولىڭدار! رەسەيدىڭ باس پروكۋرورى يگور كراسنوۆ قازاقستاننىڭ باس پروكۋرورى بەرىك اسىلوۆپەن كەزدەستى. "مۇنىڭ ايتۋ جاعىمسىز، بىراق ۋكراينالىق ۇكىمەتتىك ەمەس ۇيىمداردىڭ قولداۋىمەن قازاقستاندا رۋسوفوبتىق ارەكەت ورىن الۋدا دەپ ماعان حابارلاۋدا. ءبىزدىڭ ماماندار ەكسترەميزم مەن تەرروريزمگە قارسى ءىس-قيمىل تاجىربيەسىمەن الماسۋ ءۇشىن شىلدە ايىندا نۇر-سۇلتاندا قالاسىنا بارادى", - دەدى كراسنوۆ.
كوپ ۇزاماي تۇراندىقتار، ءتۇرلى ۇلتشىلار سازايىن الادى دەگەن ءۇمىت بار. قازاق ءتىلدى ساياساتكەرلەرگە لەنتالارىن تازالاپ، ەندى اقىماقتىق ءسوز جازباۋعا كەڭەس بەرەمىن", - دەدى سەرگەي ۆاسيلەۆ.
بىرنەشە ساعاتتان سوڭ، ۆلاديمير بوجكو دا، سەرگەي ۆاسيلەۆ تە جازبانى ءوشىرىپ ۇلگەردى.
بوجكونىڭ وقىرماندارى "رەپوستتى نە ءۇشىن جاساپ وتىرعانىن تۇسىنبەدىم. بۇل قازاقتاردى قورقىتۋ ما؟", "بوجكو مىرزا مەملەكەتتىك قىزمەتتە وتىرىپ رەپوست جاساۋى قازاق حالقىنا ايتقان راقمەتى مە؟", "قازاقتار ەشقاشان ۇلتشىل بولعان ەمەس. ءبىز سوعىسقا قارسىمىز. ءومىر كورسەتكەندەي، ءبىز وتە مەيىرىمدى حالىقپىز. ءبىزدى قورقىتۋدىڭ قاجەتى جوق دەپ" پىكىر قالدىردى.
“ادىرنا” ۇلتتىق پورتالى
