Qazaq ultshyldaryn aıyptaǵan jazbany eks-deptýtat Vladımır Bojko óz paraqshasynda bólisti

11818
Adyrna.kz Telegram
 

Qazaqstandaǵy ultshyldar daıyn bolyńdar degen taqyryppen Sergeı Vasılev esimdi oqyrman jelige ultshyldarǵa baılanysty jańa jazba jarııalaǵan.

Eń qyzyǵy ony "Qazaqstannyń Orys, slavıan jáne kazak uıymdary qaýymdastyǵy" zańdy tulǵalar Respýblıkalyq birlestiginiń tóraǵasy, eks depýtat Vladımır Bojko óziniń Facebook jelisindegi paraqshasynda bólisti, - dep habarlaıdy “Adyrna” ulttyq portaly Caravan.kz  saıtyna silteme jasap. 

"Qazaqstandaǵy ultshyldar daıyn bolyńdar! Reseıdiń bas prokýrory Igor Krasnov Qazaqstannyń bas prokýrory Berik Asylovpen kezdesti. "Munyń aıtý jaǵymsyz, biraq ýkraınalyq úkimettik emes uıymdardyń qoldaýymen Qazaqstanda rýsofobtyq áreket oryn alýda dep maǵan habarlaýda. Bizdiń mamandar ekstremızm men terrorızmge qarsy is-qımyl tájirbıesimen almasý úshin shilde aıynda Nur-Sultanda qalasyna barady",  - dedi Krasnov.

Kóp uzamaı turandyqtar, túrli ultshylar sazaıyn alady degen úmit bar. Qazaq tildi saıasatkerlerge lentalaryn tazalap, endi aqymaqtyq sóz jazbaýǵa keńes beremin", - dedi Sergeı Vasılev.

Birneshe saǵattan soń, Vladımır Bojko da, Sergeı Vasılev te jazbany óshirip úlgerdi.

Bojkonyń oqyrmandary "Repostty ne úshin jasap otyrǵanyn túsinbedim. Bul qazaqtardy qorqytý ma?", "Bojko myrza memlekettik qyzmette otyryp repost jasaýy qazaq halqyna aıtqan raqmeti me?", "Qazaqtar eshqashan ultshyl bolǵan emes. Biz soǵysqa qarsymyz. Ómir kórsetkendeı, biz óte meıirimdi halyqpyz. Bizdi qorqytýdyń qajeti joq dep" pikir qaldyrdy.

“Adyrna” ulttyq portaly

Pikirler