تۇرمەدەگى RBK Bank-ءتىڭ ەكس-باسشىسى جومارت ەرتاەۆ تاعى ءبىر جاڭا قىلمىستىق ءىس بويىنشا ايىپتالدى. بۇل تۋرالى الماتى پروكۋراتۋراسىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«قىلمىستىق ءىس اياسىندا تەرگەۋشى جومارت ەرتاەۆتىڭ قاتىسۋىمەن قاجەتتى تەرگەۋ ارەكەتتەرىن جۇرگىزىپ جاتىر. ەرتاەۆتىڭ مارتەبەسى «قورعاۋعا قۇقىعى بار كۋاگەر» دەپ انىقتالعان، سوڭعىسىنا كۇدىك كەلتىرىلمەگەن» دەپ حابارلادى الماتى پروكۋراتۋراسىنىڭ ءباسپاسوز قىزمەتى.
قاداعالاۋ ورگانى قۇقىق قورعاۋ ورگاندارىنا جاڭا ءوتىنىش بانك RBK وكىلدەرىنەن تۇسكەنىن راستادى.
تەرگەۋ قر قىلمىستىق كودەكسىنىڭ 189-بابى (سەنىپ تاپسىرىلعان بوتەننىڭ مۇلكىن يەمدەنۋ نەمەسە ىسىراپ ەتۋ) بويىنشا جۇرگىزىلۋدە.
ەسكە سالايىق، 2020 جىلدىڭ 16 قاراشاسىندا «RBK Bank » اق-نا جىمقىرۋ ءىسى بويىنشا سوت ۇكىمى شىقتى. ەكس-بانكير جومارت ەرتاەۆ بانكتەن 144 ملرد تەڭگە جىمقىردى دەپ ايىپتالدى. ونىڭ مۇلكى تاركىلەنىپ، ءوزى 11 جىلعا باس بوستاندىعىنان، 10 جىل مەرزىمگە بانك قىزمەتىمەن اينالىسۋ قۇقىعىنان ايىرىلدى.
”ادىرنا” ۇلتتىق پورتالى
