Türmedegı RBK Bank-tıŋ eks-basşysy Jomart Ertaev taǧy bır jaŋa qylmystyq ıs boiynşa aiyptaldy. Būl turaly Almaty prokuraturasynyŋ baspasöz qyzmetı mälımdedı, dep habarlaidy “Adyrna” ūlttyq portaly.
«Qylmystyq ıs aiasynda tergeuşı Jomart Ertaevtyŋ qatysuymen qajettı tergeu äreketterın jürgızıp jatyr. Ertaevtyŋ märtebesı «qorǧauǧa qūqyǧy bar kuäger» dep anyqtalǧan, soŋǧysyna küdık keltırılmegen» dep habarlady Almaty prokuraturasynyŋ baspasöz qyzmetı.
Qadaǧalau organy qūqyq qorǧau organdaryna jaŋa ötınış Bank RBK ökılderınen tüskenın rastady.
Tergeu QR Qylmystyq kodeksınıŋ 189-baby (Senıp tapsyrylǧan bötennıŋ mülkın iemdenu nemese ysyrap etu) boiynşa jürgızılude.
Eske salaiyq, 2020 jyldyŋ 16 qaraşasynda «RBK Bank » AQ-na jymqyru ısı boiynşa sot ükımı şyqty. Eks-bankir Jomart Ertaev bankten 144 mlrd teŋge jymqyrdy dep aiyptaldy. Onyŋ mülkı tärkılenıp, özı 11 jylǧa bas bostandyǧynan, 10 jyl merzımge bank qyzmetımen ainalysu qūqyǧynan aiyryldy.
”Adyrna” ūlttyq portaly
