4 جىلعا سوتتالعان بۇرىنعى قارجى ۆيتسە-ءمينيسترى رۋسلان ەڭسەباەۆ 2,5 ايدان كەيىن بوستاندىققا شىقتى، دەپ حابارلايدى «ادىرنا» ءتىلشىسى.
شەنەۋنىك 2021 جىلدىڭ قىركۇيەگىندە قارجى مينيسترلىگىنىڭ جوبالارىن تسيفرلاندىرۋدى قاراستىراتىن تەندەردە «ءال-فارابي Partners» جشس جەڭىسكە جەتكەنى ءۇشىن بايبوسىنوۆ پەن بۇحاربايدان 1,2 ميلليون تەڭگە كولەمىندە پارا العانى ءۇشىن كىنالى دەپ تانىلىپ، 4 جىلعا سوتتالعان ەدى. الايدا 81 كۇننەن كەيىن سوت بۇل جازانى وزگەرتىپ، ەڭسەباەۆقا 66 ميلليون تەڭگە ايىپپۇل تولەۋگە ۇكىم شىعاردى. بۇل شەشىمدى ەلوردالىق سوتتىڭ قىلمىستىق ىستەر جونىندەگى القاسى قابىلداعان.
