شىمكەنتتە مەديتسينا بۇيىمدارىن شىعاراتىن جاڭا ءوندىرىس ورنى اشىلدى

632

بۇگىن شىمكەنت قالاسىنىڭ كۇنى قارساڭىندا «تاسساي» يندۋستريالىق ايماعىندا قورعانىس كيىمدەرى مەن مەديتسينالىق بۇيىمدار شىعاراتىن «ەكوفارم» ءوندىرىس ورنى اشىلدى.

بۇگىنگى تاڭدا «تاسسايدا» جالپى ينۆەستيتسيا كولەمى شامامەن 45 ملرد. تەڭگە قۇرايتىن 37 جوبا جۇزەگە اسىپ جاتىر.

جالپى قۇنى 3,4 ملرد. تەڭگە بولاتىن ينۆەستيتسيالىق جوبانى ىسكە اسىرۋ ءۇشىن «بيزنەستىڭ جول كارتاسى – 2020» مەملەكەتتىك باعدارلاماسى اياسىندا جەر بەرىلىپ، «قاراپايىم زاتتار ەكونوميكاسى» باعدارلاماسى اياسىندا «دامۋ» قورى ارقىلى سۋبسيديالانعان.

جاڭادان اشىلعان بۇل وندىرىستە 150 ادام جۇمىس ىستەيدى. زاماناۋي تەحنولوگيالارمەن جابدىقتالعان ءوندىرىس ورنىندا جىلىنا 600 مىڭ دانا قورعانىش كيىمىنىڭ 17 ءتۇرى، 500 مىڭ دانا مەديتسينالىق كيىم، 20 ميلليون دانا مەديتسينالىق ماسكا مەن رەسپيراتور، 1 ميلليون دانا مەديتسينالىق كوزىلدىرىك شىعارىلادى.

جالپى، شىمكەنت قالاسى ءدارى-دارمەك پەن مەديتسينا بۇيىمدارىن شىعاراتىن ورتالىق بولىپ قالىپتاسىپ كەلەدى.

شىڭعىس مۇقان Facebook پاراقشاسىنان

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket