اقتاۋدىڭ اكىمى نۇرداۋلەت قيلىباي سوتتا جەڭىلىپ، 153 مىڭ تەڭگە ايىپپۇل تولەدى، دەپ حابارلايدى «ادىرنا» ءتىلشىسى «حابار 24»-كە سىلتەمە جاساپ.
ماڭعىستاۋ وبلىستىق سوتىنىڭ مالىمەتىنشە، ونىڭ ۇستىنەن جەكە كاسىپكەر شاعىم تۇسىرگەن. ول قالا اكىمى مەن اقتاۋدىڭ جەر قاتىناستارى، ساۋلەت جانە قالا قۇرىلىسى ءبولىمىنىڭ زاڭسىز ارەكەتى تۋرالى ايتقان. داۋلى ماسەلە جەر تەلىمىن جالعا بەرۋ مەرزىمىن ۇزارتۋعا بايلانىستى شىققان.
قۇزىرلى ورگان تالاپكەردىڭ ءوتىنىشىن قاناعاتتاندىرۋ ءۇشىن 1 اي ىشىندە اكىمشىلىككە اكت قابىلداۋدى تاپسىرادى. الايدا سول كۇيى اياقسىز قالادى. سوت شەشىمىن ورىنداماعانى ءۇشىن كىنالى تاراپ 50 ايلىق ەسەپتىك كورسەتكىش مولشەرىندە ايىپپۇل تولەۋگە مىندەتتەلدى.
«اكىمنىڭ ءىس-ارەكەتىن زاڭسىز دەپ تاۋىپ، جەر ۋچاسكەسىنىڭ جالعا الۋ مەرزىمىن ۇزارتۋ تۋرالى شەشىم قابىلداعان بولاتىن. سول شەشىمنىڭ ورىندالماۋىنا بايلانىستى سوت تاراپىنان اقشالاي ءوندىرىپ الۋ تۋرالى پروتسەسسۋالدى شارا قولدانىلدى. اتالعان ماجبۇرلەۋ شاراسى اكىمشىلىك ايىپپۇل بولىپ تابىلمايدى»،– دەدى وبلىستىق مامانداندىرىلعان اۋدانارالىق اكىمشىلىك سوتىنىڭ سۋدياسى مۇحيت مۋكاشەۆ.
