Aqtaýdyń ákimi Nurdáýlet Qılybaı sotta jeńilip, 153 myń teńge aıyppul tóledi, dep habarlaıdy «Adyrna» tilshisi «Habar 24»-ke silteme jasap.
Mańǵystaý oblystyq sotynyń málimetinshe, onyń ústinen jeke kásipker shaǵym túsirgen. Ol qala ákimi men Aqtaýdyń jer qatynastary, sáýlet jáne qala qurylysy bóliminiń zańsyz áreketi týraly aıtqan. Daýly másele jer telimin jalǵa berý merzimin uzartýǵa baılanysty shyqqan.
Quzyrly organ talapkerdiń ótinishin qanaǵattandyrý úshin 1 aı ishinde ákimshilikke akt qabyldaýdy tapsyrady. Alaıda sol kúıi aıaqsyz qalady. Sot sheshimin oryndamaǵany úshin kináli tarap 50 aılyq eseptik kórsetkish mólsherinde aıyppul tóleýge mindetteldi.
«Ákimniń is-áreketin zańsyz dep taýyp, jer ýchaskesiniń jalǵa alý merzimin uzartý týraly sheshim qabyldaǵan bolatyn. Sol sheshimniń oryndalmaýyna baılanysty sot tarapynan aqshalaı óndirip alý týraly proessýaldy shara qoldanyldy. Atalǵan májbúrleý sharasy ákimshilik aıyppul bolyp tabylmaıdy»,– dedi oblystyq mamandandyrylǵan aýdanaralyq ákimshilik sotynyń sýdıasy Muhıt Mýkashev.
