دجاكارتاداعى يندونەزيا رەسپۋبليكاسىنىڭ ۇلتتىق كىتاپحاناسىندا «ديماش: قازاقستاننىڭ التىن داۋىسى» اتتى كورمە وتەد، دەپ حابارلايدى ”ادىرنا” ۇلتتىق پورتالى dimashnews.com سايتىنا سىلتەمە جاساپ.
29 ماۋسىم مەن 8 شىلدە ارالىعىندا وتەتىن ءىس-شارانى ديماش قۇدايبەرگەننىڭ يندونەزيالىق فان-كلۋبى قازاقستان رەسپۋبليكاسىنىڭ يندونەزياداعى ەلشىلىگىمەن جانە يندونەزيا رەسپۋبليكاسىنىڭ قازاقستانداعى ەلشىلىگىمەن بىرلەسىپ ۇيىمداستىردى.
بۇل ءىس-شارا يندونەزيالىقتاردىڭ كوپشىلىگىنە ەلىمىزدىڭ مادەنيەتىمەن جانە ديماشتىڭ داۋىسىمەن تانىسۋعا مۇمكىندىك بەرەدى. سونداي-اق، ەكى ەل اراسىنداعى دوستىقتى نىعايتادى.
كورمەدە قازاقستاننىڭ كەرەمەت سۇلۋ تابيعاتىنىڭ فوتوسۋرەتتەرى، سونداي-اق جەرگىلىكتى يندونەزيالىق سۋرەتشىلەر جاساعان ءتۇرلى ونەر تۋىندىلارى ۇسىنىلادى. سونىمەن قاتار كورمەنىڭ ءبىرىنشى كۇنى كىتاپحانانىڭ باس زالىندا ديماشتىڭ كونتسەرتتەرىنىڭ ءبىرىنىڭ كورسەتىلىمى وتەدى.
ۇقساس جاڭالىقتار
