سەمەيدە ۇيىندە 25 كەلىدەن استام ماريحۋانا ساقتاعان 38 جاستاعى قالا تۇرعىنى ۇستالدى، - دەپ حابارلايدى “ادىرنا” ۇلتتىق پورتالى Polisia.kz-كە سىلتەپ.
كۇدىكتى ەسىرتكىنىڭ اسا ءىرى پارتياسىن 335 پوليەتيلەن پاكەتكە سالىپ، جاستارعا ساتۋ ءۇشىن دايىنداعان. تۇرعىن قىلمىس ۇستىندە ۇستالدى.
"قازىرگى كەزدە قىلمىستىق كودەكستىڭ 296-بابى 4-بولىگى ("اسا ءىرى مولشەردەگى ەسiرتكi, پسيحوتروپتىق زاتتاردى، سول تەكتەستەردى وتكىزۋ ماقساتىنسىز زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ") بويىنشا سوتقا دەيىنگى تەرگەۋ شارالارى باستالدى. كۇدىكتى قاماۋعا الىندى. ول ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋ جازاسىنا كەسىلۋى مۇمكىن", - دەلىنگەن حابارلامادا.
شىعىس قازاقستان وبلىستىق پوليتسيانىڭ مالىمەتىنە سايكەس، ەسىرتكى قىلمىسىنا قارسى ءىس-قيمىلدى كۇشەيتۋگە باعىتتالعان "قاراسورا" جەدەل الدىن الۋ ءىس-شاراسى جالعاسىپ جاتىر.
“ادىرنا” ۇلتتىق پورتالى
