Semeıde úıinde 25 keliden astam marıhýana saqtaǵan 38 jastaǵy qala turǵyny ustaldy, - dep habarlaıdy “Adyrna” ulttyq portaly Polisia.kz-ke siltep.
Kúdikti esirtkiniń asa iri partııasyn 335 polıetılen paketke salyp, jastarǵa satý úshin daıyndaǵan. Turǵyn qylmys ústinde ustaldy.
"Qazirgi kezde Qylmystyq kodekstiń 296-baby 4-bóligi ("Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý") boıynsha sotqa deıingi tergeý sharalary bastaldy. Kúdikti qamaýǵa alyndy. Ol úsh jyldan jeti jylǵa deıingi merzimge bas bostandyǵynan aıyrý jazasyna kesilýi múmkin", - delingen habarlamada.
Shyǵys Qazaqstan oblystyq polıııanyń málimetine sáıkes, esirtki qylmysyna qarsy is-qımyldy kúsheıtýge baǵyttalǵan "Qarasora" jedel aldyn alý is-sharasy jalǵasyp jatyr.
“Adyrna” ulttyq portaly
