باتىسقازاقستاندىق 98 جاستاعى ۇوس سوعىسى ارداگەرى ۆەنيامين سكالەنكو رەفەرەندۋمدا ءوز داۋىسىن بەردى، دەپ حابارلايدى “ادىرنا” ۇلتتىق پورتالى.
ۆ.سكالەنكو سوعىستا پراگا، بۋداپەشت، ۆەنا، برۋنو قالالارىن ازات ەتۋگە ايرىقشا ۇلەس قوسقان. دەنساۋلىعىنا بايلانىستى سايلاۋ ۋچاسكەسىنە كەلە الماعان ارداگەرىمىزگە №447 سايلاۋ ۋچاسكەسىنىڭ وكىلدەرى ۇيىنە بارىپ، قاريانىڭ كونستيتۋتسياعا سايكەسرەفەرەندۋمدا داۋىس بەرۋ قۇقىعىن ىسكە اسىردى.
ۆ.سكالەنكونىڭ ايتۋىنشا، ەلدەگى بولار وڭ وزگەرىستەر قازاقستاننىڭ دامۋىنا جاڭا سەرپىن بەرەدى، بەيبىت زاماندا ءومىر ءسۇرىپ جاتقان جاس ۇرپاق ءۇشىن جاسالىپ جاتىرعان قادامداردى ول دا قولدايدى.
اقجايىقتىق ءساليما ءابۋوۆا جاسى 90-ناناسسا دا، ەلىمىزدىڭ تاعدىرىن انىقتايتىن ماڭىزدى كۇنى ۇيدە قالماي، ۇل-كەلىن، نەمەرەلەرىمەن بىرگە ۋچاسكەگە كەلدى. «ەلسىز، مەملەكەتسىز حالىق بولمايدى. ىرگەمىزدىڭ ءبۇتىن، اسپانىمىزدىڭ اشىق بولۋى بىرلىگىمىزدىڭ ارقاسىندا. ەلىمىزدىڭ بولاشاعى ءار ادامنىڭ تاڭداۋىنا بايلانىستى. سوندىقتان مەنىڭ پىكىرىم دە ماڭىزدى»، – دەيدى قارت انا.
شىڭعىرلاۋلىق قارتتارىمىزدىڭ ءبىرى، 92 جاستاعى تىل ەڭبەككەرى م.ن.كريتسكوۆ سايلاۋشى رەتىندە ءوز داۋىسىن بەردى. زەينەت جاسىنا دەيىن ءومىر بويى مەحانيزاتور بولىپ قىزمەت اتقارعان م.ن.كريتسكوۆ رەفەرەندۋم وتكىزىلۋى جونىندە شاقىرۋ قاعازدارىن اپارعان جاستارعا ءوءزى بارىپ داۋىس بەرەتىنىن ايتقان.
”ادىرنا” ۇلتتىق پورتالى
