Batys Qazaqstanda Uly Otan Soǵysynyń ardagerleri referendýmda daýys berdi

3917

Batysqazaqstandyq 98 jastaǵy UOS soǵysy ardageri Venıamın Skalenko referendýmda óz daýysyn berdi, dep habarlaıdy “Adyrna” ulttyq portaly.

V.Skalenko soǵysta Praga, Býdapesht, Vena, Brýno qalalaryn azat etýge aıryqsha úles qosqan. Densaýlyǵyna baılanysty saılaý ýchaskesine kele almaǵan ardagerimizge №447 saılaý ýchaskesiniń ókilderi úıine baryp, qarııanyń konstıtýııaǵa sáıkesreferendýmda daýys berý quqyǵyn iske asyrdy.

V.Skalenkonyń aıtýynsha,  eldegi bolar oń ózgerister Qazaqstannyń damýyna jańa serpin beredi, beıbit zamanda ómir súrip jatqan jas urpaq úshin jasalyp jatyrǵan qadamdardy ol da qoldaıdy.

Aqjaıyqtyq Sálıma Ábýova jasy 90-nanassa da, elimizdiń taǵdyryn anyqtaıtyn mańyzdy kúni úıde qalmaı, ul-kelin, nemerelerimen birge ýchaskege keldi. «Elsiz, memleketsiz halyq bolmaıdy. Irgemizdiń bútin, aspanymyzdyń ashyq bolýy birligimizdiń arqasynda. Elimizdiń bolashaǵy ár adamnyń tańdaýyna baılanysty. Sondyqtan meniń pikirim de mańyzdy», – deıdi qart ana.

Shyńǵyrlaýlyq qarttarymyzdyń biri, 92 jastaǵy tyl eńbekkeri M.N.Krıkov saılaýshy retinde óz daýysyn berdi. Zeınet jasyna deıin ómir boıy mehanızator bolyp qyzmet atqarǵan M.N.Krıkov Referendým ótkizilýi jóninde shaqyrý qaǵazdaryn aparǵan jastarǵa ózi baryp daýys beretinin aıtqan.

”Adyrna” ulttyq portaly

Pikirler
Uqsas jańalyqtar