جالعاس جۇماعۇلوۆ (14-7) UFC-دەگى جەكپە-جەگىندە امەريكالىق قارسىلاسىنان جەڭىلىپ قالدى. ول UFC Vegas 56 تۋرنيرىندە دجەفف مولينامەن (11-2) كەزدەستى، دەپ حابارلايدى “ادىرنا” ۇلتتىق پورتالى.
جەكپە-جەكتىڭ ءۇش راۋندى دا ءوتتى. تورەشىلەر شەشىمىمەن مولينا جەڭىسكە جەتتى. 33 جاستاعى قازاقستاندىق ءۇشىن بۇل پروموۋشەندەگى بەس جەكپە-جەگىندەگى ءتورتىنشى جەڭىلىس. جالعاستا مما-دە بارلىعى 14 جەڭىس جانە 7 جەڭىلىس.
24 جاستاعى مولينا قاتارىنان ونىنشى جانە UFC-دە ءۇشىنشى جەكپە-جەكتە جەڭىسكە جەتىپ وتىر. امەريكالىق سپورتشى مما-دە 11 رەت جەڭىسكە جەتىپ، 2 رەت جەڭىلدى.
”ادىرنا” ۇلتتىق پورتالى
