قازاقستان قۇراماسىنىڭ مۇشەسى ساكەن بيبوسىنوۆ يوردانيا استاناسى امماندا ءوتىپ جاتقان ازيا چەمپيوناتىنىڭ جۇلدەگەرى اتاندى. بۇل تۋرالى Vesti.kz حابارلادى، دەپ جازادى "ادىرنا" ۇلتتىق پورتالى.
51 كەلىگە دەيىنگىلەر اراسىنداعى شيرەك فينالدا بيبوسىنوۆ مالايزيالىق گايۋم ءاريففيندى 5:0 ەسەبىمەن تازا جەڭدى. وسىنىڭ ارقاسىندا جەرلەسىمىز سارى قۇرلىق باسەكەسىندە كەم دەگەندە قولا جۇلدەگە ىلىگىپ وتىر. ايتا كەتەيىك، ساكەن 5 قاراشا كۇنى ەرلەر اراسىندا رينگ تورىنە شىققانداردىڭ اراسىندا ءبىر ءوزى بولدى.
ەسكە سالايىق، ساكەن بيبوسىنوۆ 2021 جىلى الەم چەمپيونى اتاندى. سونىمەن قاتار، توكيو وليمپياداسىنىڭ قولا جۇلدەسىن ەنشىلەگەن.
"ادىرنا" ۇلتتىق پورتالى
