ەلورداداعى ەكسپو اۋماعىندا «AMANAT»پارتياسىنىڭ ۇيىمداستىرۋىمەن قر مەملەكەتتىك رامىزدەرىنىڭ 30 جىلدىعىنا ارنالعان «مەنىڭ ەلىم» اتتى مەرەكەلىك كونتسەرت ءوتتى. وعان 20 مىڭنان استام كورەرمەن قاتىستى، دەپ حابارلايدى “ادىرنا” ۇلتتىق پورتالى.
ەلوردالىقتار مەن قالا قوناقتارىنىڭ الدىندا قازاق ەستراداسىنىڭ تانىمال جۇلدىزدارىمەن قاتار جاس انشىلەر دە ونەر كورسەتتى.
ولاردىڭ قاتارىندا - روزا رىمباەۆا، ۇلىقپان جولداسوۆ، «جىگىتتەر» توبى, ايقىن، Raim, قۋاندىق راقىم, AYREE, ارگونيا، مانسۇر جانە قوبىلاندى، «الاشۇلى» توبى, دانا كەنتاي، فاريدا جولداسوۆا، زارينا وماروۆا، Prince, سادراددين، 2RAR, AKHA بار.
ونەرپازداردىڭ ءۇزىلىسى كەزدە «AMANAT»رەسپۋبليكالىق پارتيالىق شتابىنىڭ مۇشەلەرى قازاقستاندىقتاردى مەرەكەمەن قۇتتىقتاپ، وسى جەكسەنبىدە وتەتىن كونستيتۋتسياعا وزگەرىستەر مەن تولىقتىرۋلار ەنگىزۋ جونىندەگى جالپىۇلتتىق رەفەرەندۋمعا قاتىسۋعا شاقىردى.
ءماجىلىس دەپۋتاتى ساياسات نۇربەك اتاپ وتكەندەي، ەلىمىز دامۋدىڭ جاڭا كەزەڭىنە اياق باستى.
«ءبارىمىز بىرگە، بۇكىل حالىق بولىپ مەملەكەت باسشىسى جاريالاعان ساياسي رەفورمالار باعىتى توڭىرەگىندە توپتاسايىق»، - دەدى حالىق قالاۋلىسى.
ءوز كەزەگىندە بەلگىلى تەلەجۇرگىزۋشى ماقسات تولىقباي كونستيتۋتسيالىق رەفورما «جاڭا قازاقستان» قۇرۋ جولىنداعى ماڭىزدى قادام ەكەنىن اتاپ ءوتتى.
«قاراڭىزدارشى، كوك تۋىمىزدىڭ جەلبىرەگەنى ادامدى قالاي تەبىرەنتەدى، رۋح بەرەدى! بارلىعىمىز وسى تۋدى بيىك ۇستايىق! قازىر ەلىمىز ۇلكەن وزگەرىستەر الدىندا تۇر»، - دەدى ماقسات تولىقباي.
بەلگىلى قازاقستاندىق سپورتشى ابزال ءاجءىعاليەۆ تە جينالعاندار الدىندا ءسوز سويلەدى.
«مەن ءار ازاماتتىڭ قۇقىقتارى مەن بوستاندىقتارى بارىنەن جوعارى تۇراتىن ادىلەتتى قازاقستاندا ءومىر سۇرگىم كەلەدى»، - دەدى ابزال اجىعاليەۆ.
ەسكە سالا كەتەيىك، تاۋەلسىز قازاقستاننىڭ مەملەكەتتىك رامىزدەرى 1992 جىلدىڭ 4 ماۋسىمىندا بەكىتىلدى.
”ادىرنا” ۇلتتىق پورتالى
