1 ماۋسىم كۇنى سۋلەيمان دەميرەل ۋنيۆەرسيتەتىندە قازاقستان رەسپۋبليكاسىنىڭ كونستيتۋتسياسىنا ەنگىزىلەتىن وزگەرىستەردى تۇسىندىرۋگە ارنالعان جينالىس ءوتتى. ستۋدەنتتەرگە كونستيتۋتسيانىڭ، رەفەرەندۋمنىڭ ماڭىزدىلىعى ءتۇسىندىرىلدى. كەزدەسۋگە ۋنيۆەرسيتەتىمىزدىڭ 200 بەلسەندى ستۋدەنتى قاتىستى.
سوڭعى كەزدەرى ەلىمىزدە قارقىندى وزگەرىستەر ورىن العانى بارشامىزعا ءمالىم. سونىڭ ءبىرى كونستيتۋتسيامىزعا ەنگىزىلىپ وتىرعان وزگەرىس بولىپ تابىلادى. بۇل - ارقايسىمىزدىڭ بولاشاعىمىزعا اسەرى بار، ماڭىزدى شارا. «جاڭا قازاقستاندى» قۇرۋداعى باستى وزگەرىستەردەن ەلىمىزدىڭ ءاربىر ازاماتى مەن ازاماتشاسى حاباردار بولۋى قاجەت. كونستيتۋتسيا - ەلىمىزدە زاڭدىق كۇشكە يە قۇجات. بۇل قۇجاتتا بەكىتىلگەن ءاربىر زاڭنىڭ ەلىمىز ءۇشىن جانە ەلىمىزدە تۇرىپ جاتقان ءاربىر ادام ءۇشىن ماڭىزى زور. شەشىلۋى قيىن نەبىر داۋلارعا نۇكتە قويا بىلگەن بابالارىمىزدىڭ شەشەندىگىنىڭ ءوزى تەرەڭ بىلىمنەن باستاۋ الادى. سوندىقتان ىزدەنەيىك، ەلىمىزدىڭ جاڭا دەڭگەيگە كوتەرىلۋىنە بىرگە اتسالىسايىق. ءتالىمدى تاربيە، ساپالى ءبىلىم الۋ جولىندا تالماي ىزدەنىپ، جاڭا باستامالارعا ءۇن قوسۋعا شاقىرامىن، - دەدى سدۋ ستۋدەنتتىك ۇيىمدار جەتەكشىسى ارمان ءتولباسى.
4 كۋرس ستۋدەنتى قايىپباي باتىربەك تە جاستاردى رەفەرەندۋمعا اتسالىسۋعا شاقىردى.
كونسيتۋتسياعا ەنگىزىلگەن ءاربىر وزگەرىستەردىڭ ءبىزدىڭ بولشاعىمىزعا اسەرى زور. مەن ەلىمنىڭ پاتريوتى رەتىندە، ەلىمىزدىڭ جاڭا دامۋ ساتىسىنا كوتەرىلۋىنە اتسالىسقىم كەلەدى. وزگەرىس وزىمىزدەن باستالادى دەگەن ۇستانىمدى ۇستانا كەلە، بۇگىنگى وتىرىسقا بەلسەندى تۇردە قاتىستىم. جيىندا حالقىمىزدىڭ بۇگىنى مەن ەرتەڭى تۋرالى كەلەلى وي قوزعالدى. «جاڭا قازاقستان» بىزدەن باستاۋ الادى. حالىق - ەلدىڭ جۇرەگى، تىرەگى. «جاڭا قازاقستاندا» جاڭاشا ءومىر قالىپتاستىرۋعا، رەفەرەندۋمنىڭ وتۋىنە ءاربىرىمىز اتسالىسايىق، - دەدى ول.
