1 ماۋسىمنان باستاپ NCOC كومپانياسى جوسپارلى-الدىن الۋ ماقساتىنداعى جوندەۋ جۇمىستارىن جۇرگىزۋگە بايلانىستى قاشاعان كەن ورنىنىڭ تەڭىز جانە قۇرلىق كەشەندەرىندەگى وندىرىستىك نىساندارىنىڭ جۇمىسىن توقتاتادى. بۇل تۋرالى كومپانيانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«جوسپارلى-الدىن الۋ ماقساتىنداعى جوندەۋ - اناعۇرلىم ماڭىزدى ءىس-شارالاردىڭ ءبىرى جانە ول بىرنەشە جىلدا ءبىر رەت نورماتيۆتىك تالاپتارعا جانە وندىرىستىك قاجەتتىلىكتەرگە سايكەس جوندەۋ جۇمىستارىن جۇرگىزۋ ءۇشىن ءوندىرىستى قىسقا كەزەڭگە تولىق توقتاتۋدى كوزدەيدى. قاشاعان كەن ورنى وندىرىستىك نىساندارىنىڭ جوسپارلى-الدىن الۋ ماقساتىنداعى جوندەۋ ءوندىرۋ جۇيەسىنىڭ تۇتاستىعى مەن قاۋىپسىزدىگىن قامتاماسىز ەتۋ جونىندەگى شارالاردىڭ، قر نورماتيۆتىك قۇقىقتىق اكتىلەرىمەن بەلگىلەنگەن مىندەتتى ءىس-شارالار مەن ينسپەكتسيالاردىڭ جۇزەگە اسىرىلۋىن، سونىمەن قاتار ونىمدىلىكتى جانە ءوندىرۋ جۇيەسىنىڭ سەنىمدىلىگىن وڭتايلاندىرۋ مەن ودان ءارى ارتتىرۋعا ارنالعان بىرقاتار جۇمىستار مەن جوبالاردىڭ ورىندالۋىن كوزدەيدى. كولەمى 2 ملن ادام-ساعاتتان اساتىن اۋقىمدى جۇمىستاردى 45 كۇن ىشىندە ورىنداۋ جوسپارلانىپ وتىر»،– دەلىنگەن حابارلامادا.
قاشاعان كەن ورنى سوڭعى ونجىلدىقتاردا اشىلعان ەڭ ءىرى مۇناي كەن ورىندارىنىڭ ءبىرى بولىپ ەسەپتەلەدى. ونىڭ وندىرىلەتىن قورلارى باعالاۋ بويىنشا 9-13 ميلليارد باررەل مۇناي ارالىعىندا. قاشاعاندا كوممەرتسيالىق ءوندىرۋ 2016 جىلعى كۇزدە باستالدى.
