1 maýsymnan bastap NCOC kompanııasy josparly-aldyn alý maqsatyndaǵy jóndeý jumystaryn júrgizýge baılanysty Qashaǵan ken ornynyń teńiz jáne qurlyq keshenderindegi óndiristik nysandarynyń jumysyn toqtatady. Bul týraly kompanııanyń baspasóz qyzmeti jazdy, dep habarlaıdy «Adyrna» tilshisi.
«Josparly-aldyn alý maqsatyndaǵy jóndeý - anaǵurlym mańyzdy is-sharalardyń biri jáne ol birneshe jylda bir ret normatıvtik talaptarǵa jáne óndiristik qajettilikterge sáıkes jóndeý jumystaryn júrgizý úshin óndiristi qysqa kezeńge tolyq toqtatýdy kózdeıdi. Qashaǵan ken orny óndiristik nysandarynyń josparly-aldyn alý maqsatyndaǵy jóndeý óndirý júıesiniń tutastyǵy men qaýipsizdigin qamtamasyz etý jónindegi sharalardyń, QR normatıvtik quqyqtyq aktilerimen belgilengen mindetti is-sharalar men ınspekııalardyń júzege asyrylýyn, sonymen qatar ónimdilikti jáne óndirý júıesiniń senimdiligin ońtaılandyrý men odan ári arttyrýǵa arnalǵan birqatar jumystar men jobalardyń oryndalýyn kózdeıdi. Kólemi 2 mln adam-saǵattan asatyn aýqymdy jumystardy 45 kún ishinde oryndaý josparlanyp otyr»,– delingen habarlamada.
Qashaǵan ken orny sońǵy onjyldyqtarda ashylǵan eń iri munaı ken oryndarynyń biri bolyp esepteledi. Onyń óndiriletin qorlary baǵalaý boıynsha 9-13 mıllıard barrel munaı aralyǵynda. Qashaǵanda kommerııalyq óndirý 2016 jylǵy kúzde bastaldy.
