قر ءبىلىم جانە عىلىم ءمينيسترى حالىقارالىق وليمپيادالاردىڭ، سپورتتىق جانە شىعارماشىلىق بايقاۋلاردىڭ تىزبەسىن بەكىتۋ تۋرالى بۇيرىققا قول قويدى. بۇل تۋرالى اسحات ايماعامبەتوۆ Facebook-پاراقشاسىندا مالىمدەدى، دەپ حابارلايدى "ادىرنا" ۇلتتىق پورتالى.
ايتا كەتەرلىگى، اتالعان قۇجات جەڭىمپازدار مەن جۇلدەگەرلەرگە وتاندىق جوعارى وقۋ ورىندارىندا بەيىندى باعىتتا ءبىلىم الۋ ءۇشىن گرانتتار بولۋگە مۇمكىندىك بەرەدى.
«وسىعان دەيىن پرەزيدەنت قاسىم-جومارت كەمەلۇلى توقاەۆتىڭ قازاقستان حالقىنا جولداۋىندا بەرگەن تاپسىرماسى اياسىندا زاڭناماعا وزگەرىستەر ەنگىزىلگەن بولاتىن. ەندى بەدەلدى حالىقارالىق پاندىك وليمپيادالاردىڭ، سپورتتىق جارىستاردىڭ جانە الەمدىك دەڭگەيدەگى شىعارماشىلىق بايقاۋلاردىڭ جەڭىمپازدارى مەن جۇلدەگەرلەرى ۇبت تاپسىرماي-اق جوو-عا بەيىندى باعىتتار بويىنشا گرانتقا تۇسۋگە مۇمكىندىك الدى»، - دەپ جازدى ۆەدومستۆو باسشىسى.
بۇگىن ءبىلىم جانە عىلىم مينيسترلىگى دۇنيەجۇزىلىك گيمنازيادا – 2022 جەڭىمپازدارى مەن جۇلدەگەرلەرىن ماراپاتتاۋ ءراسىمىن وتكىزەدى.
«وقۋشىلارىمىز الەمنىڭ 70-تەن استام ەلىنەن كەلگەن جاسوسپىرىمدەردى باسىپ وزىپ، 86 مەدال جەڭىپ العانىن ەستەرىڭىزگە سالا كەتەيىن. وسىلايشا، ۇلتتىق قۇرامامىز ءىىى ورىندى يەلەنگەن بولاتىن. ەندى ولار ءبىرىنشى بولىپ جوو-دا وقۋ ءۇشىن گرانتتار الادى. جاس دارىندار مەملەكەت باسشىسىنىڭ شەشىمى ارقاسىندا وسىنداي قولداۋعا يە بولىپ وتىر»، - دەدى ا. ايماعامبەتوۆ.
"ادىرنا" ۇلتتىق پورتالى
