QR Bılım jäne ǧylym ministrı halyqaralyq olimpiadalardyŋ, sporttyq jäne şyǧarmaşylyq baiqaulardyŋ tızbesın bekıtu turaly būiryqqa qol qoidy. Būl turaly Ashat Aimaǧambetov Facebook-paraqşasynda mälımdedı, dep habarlaidy "Adyrna" ūlttyq portaly.
Aita keterlıgı, atalǧan qūjat jeŋımpazdar men jüldegerlerge otandyq joǧary oqu oryndarynda beiındı baǧytta bılım alu üşın granttar böluge mümkındık beredı.
«Osyǧan deiın Prezident Qasym-Jomart Kemelūly Toqaevtyŋ Qazaqstan halqyna Joldauynda bergen tapsyrmasy aiasynda zaŋnamaǧa özgerıster engızılgen bolatyn. Endı bedeldı halyqaralyq pändık olimpiadalardyŋ, sporttyq jarystardyŋ jäne älemdık deŋgeidegı şyǧarmaşylyq baiqaulardyŋ jeŋımpazdary men jüldegerlerı ŪBT tapsyrmai-aq JOO-ǧa beiındı baǧyttar boiynşa grantqa tüsuge mümkındık aldy», - dep jazdy vedomstvo basşysy.Bügın Bılım jäne ǧylym ministrlıgı Düniejüzılık gimnaziada – 2022 jeŋımpazdary men jüldegerlerın marapattau räsımın ötkızedı.
«Oquşylarymyz älemnıŋ 70-ten astam elınen kelgen jasöspırımderdı basyp ozyp, 86 medal jeŋıp alǧanyn esterıŋızge sala keteiın. Osylaişa, ūlttyq qūramamyz III oryndy ielengen bolatyn. Endı olar bırınşı bolyp JOO-da oqu üşın granttar alady. Jas daryndar Memleket basşysynyŋ şeşımı arqasynda osyndai qoldauǧa ie bolyp otyr», - dedı A. Aimaǧambetov.
"Adyrna" ūlttyq portaly
Ūqsas jaŋalyqtar
