نۇرسۇلتان نازارباەۆ تۋىستارىنىڭ رەيدەرلىك، زاڭسىز بايۋمەن اينالىسقانى تۋرالى پىكىر ءبىلدىردى. ءبۇل تۋرالىساياساتكەر دانيار اشىمباەۆ نازارباەۆتان سۇحبات الىپ، تەلەگرام ارناسىنا جاريالادى، دەپ حابارلايدى «ادىرنا» ۇلتتىق پورتالى.
ساياساتكەر دانيار اشىمباەۆقا سوڭعى كەزدەرى عالامتوردا نازارباەۆتىڭ تۋىستارى تۋرالى كوپ اقپارات پايدا بولىپ، ولاردىڭ كەيبىرەۋلەرى زاڭسىز ارەكەتتەرمەن – رەيدەرلىك، زاڭسىز بايۋمەن اينالىسقانى تۋرالى ايتا كەلىپ، تۇڭعىش پرەزيدەنتتەن پىكىرىن سۇرادى.
«ءبىز كوپ جىلدار بويى قازاقستاندا قۇقىقتىق مەملەكەت قۇرىپ كەلەمىز. ونىڭ نەگىزگى قاعيداسى – زاڭ بارلىعىنا بىردەي.
تۋىستارىمنىڭ ءبىرى مەنىڭ اتىمدى ارتىمنان پايدالانىپ، زاڭ بۇزعانى ءۇشىن جاۋاپقا تارتىلۋى كەرەك. كىناسى سوتتا دالەلدەنۋى كەرەك. ءاربىر ازاماتتىڭ قۇقىقتىق قورعاۋعا قۇقىعى بار ەكەنىن ۇمىتپاۋىمىز كەرەك.
راحات اليەۆتىڭ وقيعاسى ءبارىنىڭ ەسىندە شىعار دەپ ويلايمىن. ول قىزىمنىڭ كۇيەۋى بولاتىن. ول ماعان ۇل سياقتى بولعان نەمەرەلەرىمنىڭ اكەسى. بىراق مۇنىڭ ءبارى مەملەكەتتىڭ زاڭسىز ارەكەتتەرىنە كوز جۇمىپ وتىرۋىنا نەگىز بولعان جوق. قازاق ادىلدىگى ونى سوتتادى. بىراق ول قاشىپ قۇتىلىپ، ءومىرىنىڭ سوڭىنا دەيىن جاسىرىنعان.
مەن پرەزيدەنت بولعان جىلدار ىشىندە حالقىمىزدىڭ ەڭبەگى زور. كەيبىر ادامدار ونى ۇمىتۋدا. حالىقتىڭ دانا ەكەنىنە، ءبارىن ەستە ساقتايتىنىنا سەنىمدىمىن»، - دەدى نۇرسۇلتان ءابىشۇلى.
”ادىرنا” ۇلتتىق پورتالى
