ەكس-پرەزيدەنت ن.ءا.نازارباەۆ تۋرالى ءسوز بولعاندا مەملەكەت جانە قوعام قايراتكەرى، پروفەسسور م.جولداسبەكوۆ وعان «جانى اشيتىنىن» ايقىن يۋتۋب ارناسىنا بەرگەن سۇحباتىندا ايتتى. سول سۇحباتتىڭ ءۇزىندىسى الەۋمەتتىك جەلىدە تارادى، دەپ حابارلايدى «ادىرنا» ۇلتتىق پورتالى.
«ءبىزدى بالاپانداي باپتاپ، قىزعىشتاي قورىپ كەلە جاتقان كەمەڭگەر قايراتكەرسىز. ءسىز بىزگە اللانىڭ بەرگەن سىيىسىز. ارعى-بەرگى زاماندا قازاقتىڭ باسىندا مۇنداي باق قونعان جوق. مۇنداي داۋرەندى قازاق باسىنان كەشكەن جوق. ۇلان بايتاق دالاسى بار، استاناداي قالاسى بار، نۇرسۇلتانداي داناسى بار قازاقستان جاساي بەرسىن!» دەپ ەكس پرەزيدەنتتىڭ ماقتاۋىن اسىرىپ جۇرەتىن م.جولداسبەكۇلى وعان «جانىم اشيدى» دەيدى.
«البەتتە، ءبىر جاعىنان جانىڭ اشيدى نازارباەۆقا. سونشا نارسە ىستەپ، ءبىر نارسەگە اقىلى جەتپەگەن. «دۇنيە دەگەن سارى التىن، تالايلاردى الداعان» دەپ تولە بي بابامىز ايتقانداي، سونىڭ ءبارىن بىلە تۇرىپ ىستەگەنىنە تاڭعالام. ءبىر جولىعىپ، اندا-ساندا اڭگىمەلەسىپ قويۋشى ەدىك. ءبىر جولى اڭگىمەلەستىك تۇركمەنياعا بارىپ كەلە جاتقاندا. مەن قىزمەتتەمىن. بارىپ كەلدىم، ارالادىم، ءبارىن كورسەتتى ساپارىمدا دەپ. ءبارى دەيدى قاراساڭ، بىرەۋى اكەسىنىڭ اتىندا، بىرەۋى شەشەسىنىڭ اتىندا، بىرەۋى ءوزىنىڭ اتىندا. تۇگەل وزدەرىنىڭ اتتارىنا كوشىرىپتى دەيدى. سوسىن ەكەۋمىز شاي ءىشىپ وتقاندا ايتتىم دەيدى «ساعان ونىڭ نە كەرەگى بار» دەپ. «جوق، نۇرسۇلتان، ماعان مۇنىڭ ەشتەڭەسى كەرەك جوق. تۇركمەندەرگە قۇداي كەرەك. مەن قازىر ولاردىڭ قۇدايىمىن. مەن ولگەننەن كەيىن نە بولسا، و بولسىن» دەپتى. ال ەندى وسىنى ايتقاننان كەيىن، نازارباەۆقا ايتىپ وتىرىپ، ءوزى وسىدان ساباق الماعانىنا قايران قالام دا. كەيىن پرەزيدەنت بوپ سايلاندى. سايلانعاننان كەيىن كەيدە بىزگە ايتادى، "بىلاي قاراپ وتىرىڭدار، ارتىق قيمىل جاساپ جۇرگەنىم جوق پا" دەگەن سياقتى. بۇرىن ءبىر-ەكى «زامەچانيە» جاساعام. ول ەندى قۇپيا. مەن ونى اشا المايمىن. سوسىن ءبىر كۇنى ءبىر جيىنعا باردىق. بۇل كىسى توردە وتىر عوي جالعىز ءوزى. اناعان دا كوز قىسادى، مىناعان دا كوز قىسادى. ءبىر كۇنى كىرىپ ايتتىم. ءسىز جۇرتقا بارىنە بىردەي پرەزيدەنتسىز عوي. سونىڭ ىشىندە تانىسىڭىز بولسا دا وتىرۋ كەرەك قوي شىداپ. اناعان دا كوز قىساسىز، مىناعان دا كوز قىساسىز. پرەزيدەنتكە جاراسپايدى دەدىم. قىزاراڭداپ كەتتى. سوسىن ويلادىم. «جوكەڭنىڭ بالاسى ارتىڭدى قىس. ونىڭ ارتى ناسىرعا شاپپاي تۇرعاندا» دەپ. سوندا ايتقان ءسوزىم عوي بۇل»، - دەپ اتاپ ءوتتى قايراتكەر.
«تاقتان تايعان ادامنىڭ باعى تايادى». بۇگىنگى تۇڭعىش پرەزيدەنتىمىز وسىنىڭ كەبىن كيىپ جۇرگەن جوق پا؟ دەگەن ساۋالعا جولداسبەكۇلى:
«ءدال سولاي. جالپى، قاي ەلدە دە سول بولدى. ماسەلەن، كەزىندە جامبىلدى سىنادى جۇرت. نەسىن سىنادى؟ ء"ستاليندى ماقتادى، پارتيانى ماقتادى" دەپ. ءستاليندى ماقتاماعان، پارتيانى ماقتاماعان سول كەزدە ءتىرى جۇرگەن ادام بار ما ەكەن. ءبارى ماقتادى جاپا-تارماعاي. قولىنا قالام ۇستاعاننىڭ ءبارى ماقتاپ جازدى. سول سياقتى بيلىكتە جۇرگەن كىسىنىڭ داڭقى بولادى، ونى قولدايدى ءبارى. ال ەندى بيلىكتەن كەتكەننەن كەيىن، بۇل ەندى ءبىزدىڭ ەلگە ءتان بە دەپ ويلايمىن. بۇل سول ادامداردىڭ وزدەرىنە بايلانىستى. مىناۋ شەت ەلدە پرەزيدەنت بولعانداردىڭ قۇدايعا ءتاۋبا، اياق استى بولىپ جاتقاندارى جوق قوي. سولاردىڭ بويىندا تازالىق بوپ تۇر عوي. مەملەكەتتىڭ مۇلكىنە قول سۇقپاي. مىناۋ كەشە گەرمانيانىڭ كانتسلەرى كوپشىلىك تۇراتىن كوپقاباتتى ۇيدە تۇرىپتى عوي. ال بىزدە سول جوق. ءبىز كەلسەك جايقالىپ ءجۇرۋىمىز كەرەك. ەلدى ۇمىتىپ كەتەمىز. سوسىن قىزمەتتەن كەتكەننەن كەيىن امالدىڭ جوعىنان سىيلايدى. بيلىكتەن كەتكەننەن كەيىن دالادا قالادى»، - دەدى مىرزاتاي جولداسبەكوۆ.
پوسموترەت ەتۋ پۋبليكاتسيۋ ۆ Instagram
«ادىرنا» ۇلتتىق پورتالى
