Nursultan Nazarbaev týystarynyń reıderlik, zańsyz baıýmen aınalysqany týraly pikir bildirdi. Búl týralysaıasatker Danııar Áshimbaev Nazarbaevtan suhbat alyp, Telegram arnasyna jarııalady, dep habarlaıdy «Adyrna» ulttyq portaly.
Saıasatker Danııar Áshimbaevqa sońǵy kezderi ǵalamtorda Nazarbaevtyń týystary týraly kóp aqparat paıda bolyp, olardyń keıbireýleri zańsyz árekettermen – reıderlik, zańsyz baıýmen aınalysqany týraly aıta kelip, tuńǵysh Prezıdentten pikirin surady.
«Biz kóp jyldar boıy Qazaqstanda quqyqtyq memleket quryp kelemiz. Onyń negizgi qaǵıdasy – zań barlyǵyna birdeı.
Týystarymnyń biri meniń atymdy artymnan paıdalanyp, zań buzǵany úshin jaýapqa tartylýy kerek. Kinási sotta dáleldenýi kerek. Árbir azamattyń quqyqtyq qorǵaýǵa quqyǵy bar ekenin umytpaýymyz kerek.
Rahat Álıevtiń oqıǵasy báriniń esinde shyǵar dep oılaımyn. Ol qyzymnyń kúıeýi bolatyn. Ol maǵan ul sııaqty bolǵan nemerelerimniń ákesi. Biraq munyń bári memlekettiń zańsyz áreketterine kóz jumyp otyrýyna negiz bolǵan joq. Qazaq ádildigi ony sottady. Biraq ol qashyp qutylyp, ómiriniń sońyna deıin jasyrynǵan.
Men prezıdent bolǵan jyldar ishinde halqymyzdyń eńbegi zor. Keıbir adamdar ony umytýda. Halyqtyń dana ekenine, bárin este saqtaıtynyna senimdimin», - dedi Nursultan Ábishuly.
”Adyrna” ulttyq portaly
