Nūrsūltan Nazarbaev tuystarynyŋ reiderlık, zaŋsyz baiumen ainalysqany turaly pıkır bıldırdı. Bül turalysaiasatker Daniiar Äşımbaev Nazarbaevtan sūhbat alyp, Telegram arnasyna jariialady, dep habarlaidy «Adyrna» ūlttyq portaly.
Saiasatker Daniiar Äşımbaevqa soŋǧy kezderı ǧalamtorda Nazarbaevtyŋ tuystary turaly köp aqparat paida bolyp, olardyŋ keibıreulerı zaŋsyz ärekettermen – reiderlık, zaŋsyz baiumen ainalysqany turaly aita kelıp, tūŋǧyş Prezidentten pıkırın sūrady.
«Bız köp jyldar boiy Qazaqstanda qūqyqtyq memleket qūryp kelemız. Onyŋ negızgı qaǧidasy – zaŋ barlyǧyna bırdei. Tuystarymnyŋ bırı menıŋ atymdy artymnan paidalanyp, zaŋ būzǧany üşın jauapqa tartyluy kerek. Kınäsı sotta däleldenuı kerek. Ärbır azamattyŋ qūqyqtyq qorǧauǧa qūqyǧy bar ekenın ūmytpauymyz kerek. Rahat Älievtıŋ oqiǧasy bärınıŋ esınde şyǧar dep oilaimyn. Ol qyzymnyŋ küieuı bolatyn. Ol maǧan ūl siiaqty bolǧan nemerelerımnıŋ äkesı. Bıraq mūnyŋ bärı memlekettıŋ zaŋsyz äreketterıne köz jūmyp otyruyna negız bolǧan joq. Qazaq ädıldıgı ony sottady. Bıraq ol qaşyp qūtylyp, ömırınıŋ soŋyna deiın jasyrynǧan. Men prezident bolǧan jyldar ışınde halqymyzdyŋ eŋbegı zor. Keibır adamdar ony ūmytuda. Halyqtyŋ dana ekenıne, bärın este saqtaitynyna senımdımın», - dedı Nūrsūltan Äbışūly.
”Adyrna” ūlttyq portaly
Ūqsas jaŋalyqtar
