بيلىك پارتياسى ناقتى الەۋمەتتىك توپتارعا باعىتتالعان 7 پارتيالىق جوبانى ىسكە اسىرعان بولاتىن. جۋرناليستەرمەن جانە مەكتەپ وقۋشىلارىمەن كەزدەسۋدە «نۇر وتان» پارتياسى ماڭعىستاۋ وبلىستىق فيليالى توراعاسىنىڭ ءبىرىنشى ورىنباسارى نۇري تۋمىشەۆ وسىلاي دەدى.
ونىڭ ايتۋىنشا، ەلباسىنىڭ پارتيا ساياسي كەڭەسىنىڭ كەڭەيتىلگەن وتىرىسىندا بەرگەن تاپسىرماسىنا سايكەس 22 جاڭا جوبا قولعا الىنىپ، ولاردى ءتيىمدى جۇزەگە اسىرۋ ءۇشىن بىرنەشە مەموراندۋمدارعا قول قويىلعان. جاڭا رەفورمانىڭ باستى ماقساتى – قازاقستاننىڭ ەكونوميكالىق، ساياسي جانە رۋحاني جاڭعىرۋىنا جان-جاقتى قولداۋ كورسەتۋدىڭ ءتيىمدى تەتىگىن قالىپتاستىرۋ بولىپ تابىلادى.
ماڭعىستاۋدا بارلىعى اقىسىز 35 IT-سىنىبىن اشۋ جوسپاردا بار. ازىرگە ونىڭ تورتەۋى اشىلدى. اتاپ ايتقاندا تۇپقاراعان اۋدانى فورت-شەۆچەنكو قالاسىنداعى مەكتەپ-ينتەرناتى، قاراقيا اۋدانى قۇرىق ورتا مەكتەپ گيمنازياسى، مۇنايلى اۋدانى قىزىلتوبە مەكتەپ ليتسەيى جانە اقتاۋداعى №23 ورتا مەكتەپتە.
«مەكتەپتەگى ءىت ساباقتارىن ينفورماتيكا ءپانى مۇعالىمى نەمەسە ءىت ماماندارى جۇرگىزەدى. جوبا «Love to Code» باعدارلامالارمەن جۇمىس جاساۋدى بالالارعا ۇيرەتۋ ارقىلى «html&css-مەن web» باعدارلامالاۋعا جانە ءوز بەتتەرىنشە سايت قۇراستىرۋعا ۇيرەتەدى. اتالمىش باعدارلامانى 12 جاستان جوعارى «Codemonkey» باعدارلاماسىن مەڭگەرگەن بالا تەز الىپ كەتەدى. بۇل باستامالار مەكتەپتەردە فاكۋلتاتيۆ ءپانى رەتىندە ەنگىزىلىپ، 3-6 ايلىق كۋرس رەتىندە وقىتىلادى. وقىتۋ پروتسەسى مودۋلدىك جۇيە بويىنشا جۇرگىزىلەدى جانە وقۋعا 8-16 جاس ارالىعىنداعى بالالار تارتىلادى»، - دەدى ءوز سوزىندە «نۇر وتان» پارتياسى ماڭعىستاۋ وبلىستىق فيليالى توراعاسىنىڭ ءبىرىنشى ورىنباسارى نۇري تۋمىشەۆ.
كۋرس اياقتالعاندا بالالار اناليتيكالىق ويلاۋ قابىلەتىنە، ينجينەرلىك وي قالىپتاستىرۋعا، وزگەشە ويلاۋعا، ۋاقىتتى دۇرىس جوسپارلاۋعا، ءىرى تاپسىرمالاردى كىشىگىرىم بولىكتەرگە ءبولىپ شەشۋگە، ءوز بەتىنشە شەشىم قابىلداۋدى ۇيرەنەدى.
ال IT ماماندار دايىنداۋ بويىنشا باعدارلامالاۋدى ۇيرەتۋگە جوبانى ىسكە اسىرا الاتىن IT ماماندار، مۇعالىمدەر تاڭدالىپ، الدىن الا دايىندىق كۋرستارىنان وتەدى. ماڭعىستاۋ وبلىسى بويىنشا 328 IT مامان ازىرلەنەتىن بولادى. جاپپاي كاسىپكەرلىك باعدارلاماسى اياسىندا ماماندىعى سايكەس كەلەتىن 21 جۇمىسسىز ازامات IT ماماندىقتارى بويىنشا وقىتىلادى. وقۋدى تامامداعان ماماندار وبلىستىق جۇمىسپەن قامتۋ ورتالىقتارى ارقىلى جۇمىسقا ورنالاسىپ، قولداۋ تابادى. مامانداردى دايارلاۋ ۇستىمىزدەگى جىلدىڭ شىلدە ايىنان باستالادى.
«نۇر وتان» پارتياسى ماڭعىستاۋ وبلىستىق فيليالىنىڭ ءباسپاسوز حاتشىسى زاميرا پۋلاتوۆانىڭ ايتۋىنشا، جاڭا جوبا اياسىندا مەكتەپ اسحانالارى مەن سپورت الاڭدارىن قايتا جاڭعىرتۋ جۇمىسى جاندانىپ، زامان تالابىنا ساي قىزمەت كورسەتپەك.
«پارتيانىڭ مەكتەپ اسحاناسىنا ءجىتى كوڭىل اۋدارۋىنىڭ باستى ماقساتى مەكتەپ وقۋشىلارىنىڭ دۇرىس تاماقتانۋىن قامتاماسىز ەتۋ. مۇلiكتi سەنiمگەرلiكپەن باسقارۋشىعا مەكتەپ اسحاناسى كەم دەگەندە بەس جىلعا بەرىلەتىن بولادى. بۇل جوبا بويىنشا وبلىستا 10 مەكتەپ اسحاناسىنىڭ قۇجاتتارى مامىر ايىنان باستاپ ازىرلەنۋ ۇستىندە»، - دەدى زاميرا تورەقۇلقىزى.
سپورت الاڭدارىنا كەلەر بولساق، 2018 جىلى وبلىس بويىنشا 9 مەكتەپتىڭ الاڭى جاڭارتىلىپ، مەكتەپ اسحاناسى سياقتى مۇلىكتى سەنىمگەرلىكپەن باسقارۋشىعا كەمىندە 5 جىلعا جالعا بەرىلەتىن بولادى. جاڭارتىلاتىن 9 سپورت الاڭىنىڭ 7-ءى اقتاۋ قالاسىندا، 1-ءى جاڭاوزەندە ماڭعىستاۋ اۋدانىندا.
تومەنگى سىنىپ وقۋشىلارىنا ارنالعان «دەنساۋلىق ساباقتارىن» جازعى لاگەرلەردە ءۇش تىلدە 30-عا جۋىق ەرىكتىلەر مەن تاربيەشىلەر وقىتادى. بۇل جوبا جونىندەگى شارالار 2019 جىلى مەملەكەتتىك الەۋمەتتىك تاپسىرىستار ارقىلى جۇزەگە اسىرىلاتىن بولادى.
ەلىمىزدىڭ كىتاپحانالارىن زاماناۋي وقۋ ورتالىعى رەتىندە قالىپتاستىرۋ ماقساتىندا «نۇر وتان» پارتياسى كىتاپحانا قورىن تسيفرلاندىرۋدى قولعا الدى. جاڭا اقپاراتتىق تەحنولوگيالاردى كەڭىنەن پايدالانىپ، وقىرماندارعا جاڭا فورماتتاعى «رابيس» باعدارلاماسى بويىنشا قىزمەت كورسەتەدى.
قازىرگى كىتاپحانالار ەندى تەك قىزمەت كورسەتۋ مەكەمەسى عانا ەمەس، قالا، اۋىل تۇرعىندارى ءۇشىن زياتكەرلىك دەمالىس ورنىنا اينالادى. كىتاپحانالاردا «كوۆوركينگ ورتالىقتارى» پايدا بولدى. جۇمىس ىستەيتىن باسقا كەڭىستىكتەردەن كوۆوركينگتىڭ تۇبەگەيلى ايىرماشىلىعى بۇل – ءتۇرلى كاسىبي دەڭگەيدەگى، ءتۇرلى ءبىلىم يەلەرىنىڭ اشىق قوعامداستىعى جانە كىتاپحانالاردى جەتىلدىرۋدە ۇلكەن قادام بولىپ ەسەپتەلەدى. كوۆوركينگ ورتالىعىندا كەز-كەلگەن ادام كىتاپحانانىڭ ماتەريالدى-تەحنيكالىق بازاسىن تەگىن پايدالانا الادى: نوۋتبۋكتاردى، كىتاپتاردى، عالامتوردى، سونداي-اق، ءشاي نەمەسە كوفە ىشۋىنە دە بولادى.
سونىمەن قاتار، «نۇر وتان» پارتياسى قر ەڭبەك جانە حالىقتى الەۋمەتتىك قورعاۋ مينيسترلىگىمەن «مەملەكەتتىك الەۋمەتتىك ساقتاندىرۋ قورى» جانە بيزنەس قاۋىمداستىعىمەن بىرىگىپ جاساعان تاعى ءبىر جوباسى - «قازاقستاننىڭ ۇزدىك الەۋمەتتىك جوبالارى» بايقاۋىن ۇيىمداستىردى. بايقاۋ ومىرلىك قيىن جاعدايعا تاپ بولعان تۇلعالارعا كورسەتىلەتىن قىزمەتتەردى قوسا العاندا، وزەكتى الەۋمەتتىك ماسەلەلەردى شەشۋگە باعىتتالعان باستاماشىل الەۋمەتتىك جوبالاردى قولداۋ ماقساتىندا وتكىزىلەدى. بايقاۋ مامىر-ماۋسىم ارالىعىندا وتكىزىلىپ، قورىتىندىسى جەرگىلىكتى قاتىسۋشىلار ءۇشىن 1-15 شىلدە ارالىعىندا، ال ايماقتىق جەڭىمپازدار 16-31- شىلدە ارالىعىندا انىقتالاتىن بولادى.
كامشات ءىزباساروۆا،
قر جۋرناليستەر وداعىنىڭ مۇشەسى،
اقتاۋ قالاسى
