Bılik partııasy naqty áleýmettik toptarǵa baǵyttalǵan 7 partııalyq jobany iske asyrǵan bolatyn. Jýrnalıstermen jáne mektep oqýshylarymen kezdesýde «Nur Otan» partııasy Mańǵystaý oblystyq fılıaly tóraǵasynyń birinshi orynbasary Nurı Týmyshev osylaı dedi.
Onyń aıtýynsha, Elbasynyń partııa Saıası keńesiniń keńeıtilgen otyrysynda bergen tapsyrmasyna sáıkes 22 jańa joba qolǵa alynyp, olardy tıimdi júzege asyrý úshin birneshe memorandýmdarǵa qol qoıylǵan. Jańa reformanyń basty maqsaty – Qazaqstannyń ekonomıkalyq, saıası jáne rýhanı jańǵyrýyna jan-jaqty qoldaý kórsetýdiń tıimdi tetigin qalyptastyrý bolyp tabylady.
Mańǵystaýda barlyǵy aqysyz 35 IT-synybyn ashý josparda bar. Ázirge onyń tórteýi ashyldy. Atap aıtqanda Túpqaraǵan aýdany Fort-Shevchenko qalasyndaǵy mektep-ınternaty, Qaraqııa aýdany Quryq orta mektep gımnazııasy, Munaıly aýdany Qyzyltóbe mektep lıeıi jáne Aqtaýdaǵy №23 orta mektepte.
«Mekteptegi IT sabaqtaryn ınformatıka páni muǵalimi nemese IT mamandary júrgizedi. Joba «Love to Code» baǵdarlamalarmen jumys jasaýdy balalarǵa úıretý arqyly «html&css-men web» baǵdarlamalaýǵa jáne óz betterinshe saıt qurastyrýǵa úıretedi. Atalmysh baǵdarlamany 12 jastan joǵary «Codemonkey» baǵdarlamasyn meńgergen bala tez alyp ketedi. Bul bastamalar mektepterde fakýltatıv páni retinde engizilip, 3-6 aılyq kýrs retinde oqytylady. Oqytý proesi modýldik júıe boıynsha júrgiziledi jáne oqýǵa 8-16 jas aralyǵyndaǵy balalar tartylady», - dedi óz sózinde «Nur Otan» partııasy Mańǵystaý oblystyq fılıaly tóraǵasynyń birinshi orynbasary Nurı Týmyshev.
Kýrs aıaqtalǵanda balalar analıtıkalyq oılaý qabiletine, ınjınerlik oı qalyptastyrýǵa, ózgeshe oılaýǵa, ýaqytty durys josparlaýǵa, iri tapsyrmalardy kishigirim bólikterge bólip sheshýge, óz betinshe sheshim qabyldaýdy úırenedi.
Al IT mamandar daıyndaý boıynsha baǵdarlamalaýdy úıretýge jobany iske asyra alatyn IT mamandar, muǵalimder tańdalyp, aldyn ala daıyndyq kýrstarynan ótedi. Mańǵystaý oblysy boıynsha 328 IT maman ázirlenetin bolady. Jappaı kásipkerlik baǵdarlamasy aıasynda mamandyǵy sáıkes keletin 21 jumyssyz azamat IT mamandyqtary boıynsha oqytylady. Oqýdy támamdaǵan mamandar oblystyq jumyspen qamtý ortalyqtary arqyly jumysqa ornalasyp, qoldaý tabady. Mamandardy daıarlaý ústimizdegi jyldyń shilde aıynan bastalady.
«Nur Otan» partııasy Mańǵystaý oblystyq fılıalynyń baspasóz hatshysy Zamıra Pýlatovanyń aıtýynsha, jańa joba aıasynda mektep ashanalary men sport alańdaryn qaıta jańǵyrtý jumysy jandanyp, zaman talabyna saı qyzmet kórsetpek.
«Partııanyń mektep ashanasyna jiti kóńil aýdarýynyń basty maqsaty mektep oqýshylarynyń durys tamaqtanýyn qamtamasyz etý. Múlikti senimgerlikpen basqarýshyǵa mektep ashanasy kem degende bes jylǵa beriletin bolady. Bul joba boıynsha oblysta 10 mektep ashanasynyń qujattary mamyr aıynan bastap ázirlený ústinde», - dedi Zamıra Tórequlqyzy.
Sport alańdaryna keler bolsaq, 2018 jyly oblys boıynsha 9 mekteptiń alańy jańartylyp, mektep ashanasy sııaqty múlikti senimgerlikpen basqarýshyǵa keminde 5 jylǵa jalǵa beriletin bolady. Jańartylatyn 9 sport alańynyń 7-i Aqtaý qalasynda, 1-i Jańaózende Mańǵystaý aýdanynda.
Tómengi synyp oqýshylaryna arnalǵan «densaýlyq sabaqtaryn» jazǵy lagerlerde úsh tilde 30-ǵa jýyq eriktiler men tárbıeshiler oqytady. Bul joba jónindegi sharalar 2019 jyly memlekettik áleýmettik tapsyrystar arqyly júzege asyrylatyn bolady.
Elimizdiń kitaphanalaryn zamanaýı oqý ortalyǵy retinde qalyptastyrý maqsatynda «Nur Otan» partııasy kitaphana qoryn ıfrlandyrýdy qolǵa aldy. Jańa aqparattyq tehnologııalardy keńinen paıdalanyp, oqyrmandarǵa jańa formattaǵy «Rabıs» baǵdarlamasy boıynsha qyzmet kórsetedi.
Qazirgi kitaphanalar endi tek qyzmet kórsetý mekemesi ǵana emes, qala, aýyl turǵyndary úshin zııatkerlik demalys ornyna aınalady. Kitaphanalarda «Kovorkıng ortalyqtary» paıda boldy. Jumys isteıtin basqa keńistikterden kovorkıngtiń túbegeıli aıyrmashylyǵy bul – túrli kásibı deńgeıdegi, túrli bilim ıeleriniń ashyq qoǵamdastyǵy jáne kitaphanalardy jetildirýde úlken qadam bolyp esepteledi. Kovorkıng ortalyǵynda kez-kelgen adam kitaphananyń materıaldy-tehnıkalyq bazasyn tegin paıdalana alady: noýtbýktardy, kitaptardy, ǵalamtordy, sondaı-aq, sháı nemese kofe ishýine de bolady.
Sonymen qatar, «Nur Otan» partııasy QR Eńbek jáne halyqty áleýmettik qorǵaý mınıstrligimen «Memlekettik áleýmettik saqtandyrý qory» jáne bıznes qaýymdastyǵymen birigip jasaǵan taǵy bir jobasy - «Qazaqstannyń úzdik áleýmettik jobalary» baıqaýyn uıymdastyrdy. Baıqaý ómirlik qıyn jaǵdaıǵa tap bolǵan tulǵalarǵa kórsetiletin qyzmetterdi qosa alǵanda, ózekti áleýmettik máselelerdi sheshýge baǵyttalǵan bastamashyl áleýmettik jobalardy qoldaý maqsatynda ótkiziledi. Baıqaý mamyr-maýsym aralyǵynda ótkizilip, qorytyndysy jergilikti qatysýshylar úshin 1-15 shilde aralyǵynda, al aımaqtyq jeńimpazdar 16-31- shilde aralyǵynda anyqtalatyn bolady.
Kámshat IZBASAROVA,
QR Jýrnalıster Odaǵynyń múshesi,
Aqtaý qalasy
