الەمنىڭ 20 ەلى ۋكرايناعا كومەكتىڭ جاڭا پاكەتىن ۇسىنۋعا دايىن. بۇل جونىندە ۋكراينا كونتاكت توبىنىڭ ونلاين-كەزدەسۋىندە اقش قورعانىس ءمينيسترى للويد وستين مالىمدەدى، دەپ حابارلايدى "ادىرنا" ۇلتتىق پورتالى "azattyq.org" سايتىنا سىلتەمە جاساپ.
دانيا كەمەگە قارسى قولدانىلاتىن قازىرگى زامانعى "گارپۋن" قاناتتى زىمىرانىن بەرەدى. 150-200 شاقىرىمداعى نىساناعا جەتەتىن بۇل زىمىران، رەسەي فلوتى بۇعاتتاپ تۇرعان ودەسسا پورتىن قورعاۋعا كومەكتەسەدى.
كەزدەسۋگە قاتىسقان 47 ەلدىڭ وكىلدەرى قازىرگى جاعداي الەمدە ازىق-تۇلىك داعدارىسىن تۋدىرۋى مۇمكىن ەكەنىنە الاڭدادى. امەريكا گەنەرالى مارك ءميلليدىڭ سوزىنشە، "گارپۋن" زىمىرانى كوممەرتسيالىق تاسىمالدى ىسكە قوسا الماعانىمەن، ودەسسا پورتىنا رەسەي تەڭىز دەسانتىن تۇسىرمەۋگە سەپتىگىن تيگىزەدى.
وستين سوزىنشە، وزگە دە ەلدەر "ارتيللەريالىق وق-ءدارى، جاعالاۋ قورعانىسى جۇيەسىن، تانكىلەر مەن باسقا دا بەرەندى تەحنيكا" بەرە الادى. مۇنان وزگە ۋكراينا كونتاكت توبىنا قاتىسۋشىلار ۋكراينا جاۋىنگەرلەرىن وقىتۋعا جانە ۋكراينا اسكەري جۇيەسىنىڭ جۇمىسىنا قولداۋ كورسەتۋگە مىندەتتەنگەن.
"ادىرنا" ۇلتتىق پورتالى.
