Álemniń 20 eli Ýkraınaǵa kómektiń jańa paketin usynýǵa daıyn. Bul jóninde Ýkraına kontakt tobynyń onlaın-kezdesýinde AQSh Qorǵanys mınıstri Lloıd Ostın málimdedi, dep habarlaıdy "Adyrna" ulttyq portaly "azattyq.org" saıtyna silteme jasap.
Danııa kemege qarsy qoldanylatyn qazirgi zamanǵy "Garpýn" qanatty zymyranyn beredi. 150-200 shaqyrymdaǵy nysanaǵa jetetin bul zymyran, Reseı floty buǵattap turǵan Odessa portyn qorǵaýǵa kómektesedi.
Kezdesýge qatysqan 47 eldiń ókilderi qazirgi jaǵdaı álemde azyq-túlik daǵdarysyn týdyrýy múmkin ekenine alańdady. Amerıka generaly Mark Mıllıdiń sózinshe, "Garpýn" zymyrany kommerııalyq tasymaldy iske qosa almaǵanymen, Odessa portyna Reseı teńiz desantyn túsirmeýge septigin tıgizedi.
Ostın sózinshe, ózge de elder "artıllerııalyq oq-dári, jaǵalaý qorǵanysy júıesin, tankiler men basqa da berendi tehnıka" bere alady. Munan ózge Ýkraına kontakt tobyna qatysýshylar Ýkraına jaýyngerlerin oqytýǵa jáne Ýkraına áskerı júıesiniń jumysyna qoldaý kórsetýge mindettengen.
"Adyrna" ulttyq portaly.
