قازاقستاندىق رەپەر جان احماديەۆ قوعام قايراتكەرى التىنبەك سارسەنباەۆتى ولتىرۋگە تاپسىرما بەرگەن ەكس-پرەزيدەنتتىڭ قىزى داريعا نازارباەۆا ەكەنىن ايتتى.
ونىڭ ايتۋىنشا، داريعانىڭ تاپسىرماسىن دالەلدەيتىن ناقتى فاكتىلەر بار.
«2004 جىلى بۇرىنعى اقپارات ءمينيسترى، وپپوزيتسيونەر التىنبەك سارسەنباەۆ اعامىز «بىرقاتار بۇقارالىق اقپارات قۇرالدارىن باسىپ الىپ، مەملەكەتتىك قازىنادان ماقساتسىز قارجى الىپ جاتىر» دەپ ايىپتاپ، داريعا نازارباەۆانى سوتقا بەرگەن بولاتىن. وسى پروتسەستەن كەيىن كوپ ۇزاماي، 2006 جىلى التىنبەك اعامىزدى بازبىرەۋلەر قالانىڭ سىرتىنا اپارىپ، اتىپ تاستايدى» دەيدى جان احماديەۆ.
احماديەۆ ۆيكتور حراپۋنوۆتىڭ سۇحباتىنا سىلتەمە جاساپ، تومەندەگىدەي مىسال كەلتىرەدى:
پارلامەنتتەگى وتىرىستاردىڭ بىرىندە التىنبەك سارسەنباەۆ داريعا نازارباەۆاعا قاراپ:
– مەن سەنىڭ تەلەارنالاردى قالاي جەكەشەلەندىرىپ العانىڭدى جاقسى بىلەمىن. قولىمدا دالەلىم دە بار. جاقىندا بۇل قۇجاتتاردى ەلگە جاريا قىلماقپىن. سوندا ماعان نە ىستەي الاسىڭ؟– دەدى. داريعا ورنىنان اتىپ تۇرىپ:
– ەي، التىنبەك، كوپ ۇزاماي سەنى ولتىرەتىن ادام تابىلىپ قالار! – دەگەنى ءالى ەسىمدە. اۋزىمىز اشىلىپ قالعان ەدى سول كەزدە.
داريعا نازارباەۆامەن ەتەنە ارالاسقان ادونيس دەرباس دەگەن كانادالىق كاسىپكەر داستارحان باسىندا داريعا نازارباەۆا، راحات اليەۆ جانە باسقا دا بىرنەشە ادام اڭگىمە دۇكەن قۇرىپ وتىرعان كەزدە، اليەۆتىڭ: «التىنبەك سارسەنبايۇلىن ءولتىرۋ كەرەك!» دەگەن ءسوزىن ادونيس دەرباس ءوز قۇلاعىمەن ەستىگەن.
”ادىرنا” ۇلتتىق پورتالى