«2004 jyly būrynǧy aqparat ministrı, oppozisioner Altynbek Särsenbaev aǧamyz «bırqatar būqaralyq aqparat qūraldaryn basyp alyp, memlekettık qazynadan maqsatsyz qarjy alyp jatyr» dep aiyptap, Dariǧa Nazarbaevany sotqa bergen bolatyn. Osy prosesten keiın köp ūzamai, 2006 jyly Altynbek aǧamyzdy bäzbıreuler qalanyŋ syrtyna aparyp, atyp tastaidy» deidı Jan Ahmadiev.
Ahmadiev Viktor Hrapunovtyŋ sūhbatyna sılteme jasap, tömendegıdei mysal keltıredı:
Parlamenttegı otyrystardyŋ bırınde Altynbek Särsenbaev Dariǧa Nazarbaevaǧa qarap:
– Men senıŋ telearnalardy qalai jekeşelendırıp alǧanyŋdy jaqsy bılemın. Qolymda dälelım de bar. Jaqynda būl qūjattardy elge jariia qylmaqpyn. Sonda maǧan ne ıstei alasyŋ?– dedı. Dariǧa ornynan atyp tūryp:
– Ei, Altynbek, köp ūzamai senı öltıretın adam tabylyp qalar! – degenı älı esımde. Auzymyz aşylyp qalǧan edı sol kezde.
Dariǧa Nazarbaevamen etene aralasqan Adonis Derbas degen kanadalyq käsıpker dastarhan basynda Dariǧa Nazarbaeva, Rahat Äliev jäne basqa da bırneşe adam äŋgıme düken qūryp otyrǧan kezde, Älievtıŋ: «Altynbek Särsenbaiūlyn öltıru kerek!» degen sözın Adonis Derbas öz qūlaǧymen estıgen.
