قارين ساياساتتانۋشىلاردىڭ ح كونگرەسىندە نە ايتتى؟

2020
Adyrna.kz Telegram
فوتو: baq.kz
فوتو: baq.kz

مەملەكەتتىك حاتشى ەرلان قارين الماتى قالاسىندا وتكەن ساياساتتانۋشىلاردىڭ «جاڭا الەمدەگى جاڭا قازاقستان» اتتى ح كونگرەسىنە قاتىسىپ، ءسوز سويلەدى، دەپ حابارلايدى "ادىرنا" ۇلتتىق پورتالى "24.kz"-كە سىلتەمە جاساپ.

فورۋم جۇمىسىنا بەلگىلى ساراپشىلار، ساياساتتانۋشىلار، الەۋمەتتانۋشىلار، تاريحشىلار مەن گۋمانيتارلىق سالانىڭ وزگە دە وكىلدەرى قاتىستى.

ەرلان قارين ءوز سوزىندە ەلىمىز بەن الەمدە بولىپ جاتقان پروتسەستەردىڭ بارلىعىن تەرەڭ ساراپتاۋدىڭ ماڭىزدى ەكەنىن اتاپ ءوتتى.

"وقيعالار مەن قۇبىلىستارعا ساپالى ساراپتاما جاساۋ ءۇشىن ونىڭ سان الۋان سەبەبىن ەسكەرە وتىرىپ، جان-جاقتى زەرتتەۋ كەرەك. سونىمەن قاتار، ساراپشىلاردىڭ تالقىلاۋلارى مەن پىكىر الماسۋلارىن ۇيىمداستىرعان ءجون", — دەدى ول.

مەملەكەتتىك حاتشى جاڭا قازاقستان تۋرالى پىكىرتالاستى الەمدىك ساياسي جانە ەكونوميكالىق دامۋدىڭ نەگىزگى ۇردىستەردى ەسكەرە جاساۋ قاجەت ەكەنىن ايتتى.

ەرلان قارين پرەزيدەنتتىڭ ەلىمىزدى ساياسي جاڭعىرتۋ تۇرعىسىنداعى باستامالارى جايىندا ءسوز قوزعاپ، كونستيتۋتسيالىق رەفورما مەن الداعى رەفەرەندۋمنىڭ ءمانى مەن ماڭىزىنا ەرەكشە توقتالدى.

مەملەكەتتىك حاتشىنىڭ پىكىرىنشە، كونستيتۋتسيالىق رەفورمالاردىڭ ناتيجەسىندە سۋپەرپرەزيدەنتتىك باسقارۋ ۇلگىسىنەن پرەزيدەنتتىك رەسپۋبليكاعا كوشۋگە، بىرقاتار بيلىك وكىلەتتىلىكتەرىن قايتا بولۋگە، پارلامەنتتىڭ ءرولى مەن مارتەبەسىن كۇشەيتۋگە، ەلدى باسقارۋ ىسىنە حالىقتىڭ ارالاسۋىن ارتتىرۋعا، ازاماتتاردىڭ اتا زاڭمەن بەلگىلەنگەن قۇقىقتارىنىڭ مەحانيزمىن جەتىلدىرۋگە قول جەتكىزەمىز.

 "ادىرنا" ۇلتتىق پورتالى.

 

 

پىكىرلەر